#smile
ناض السي توفيق يتكسل وناسي الجريمة لي دارها في مرتو وأم ولادو كانو لا ضمير ولا انسانية... نسا الحب لي كان بيناتهم... كلشي اضمحل وراح في مهب الرياح....
دخل ولدها يجري للبيت يحوس على مو لي مالفة تعاونو بش يلبس قشو.... لقاها طايحة في الجيهة اللخرى تع السرير... حالتها تشفي.. وجها زرق وخشمها ينزف بدم.. وبركة تع دم محاوطتها....
ناض يبكي وراح يجري يقلب فيها ويحاول ينوضها
"... ماما.... ماما نوضي.... ماما وشبيكي هئ هئ.. تعيشي مامي نوضي.. متخلينيش وحدي قولي شكون لي ضربك..... بابا أرواح ماما رح تموت وتخلينا... بابا بابا..."
"... وشبيك تعيط نتا....؟؟؟ علي صباح ربي.."
"... هئ هئ ماما محبتش تنوض والدم بزاف.. ماما رح تموت هئ هئ... "
شاف معاها بنظرة اشمئزاز وخوف انو تموت ويتبلا بيها...
هزها بزربة وداها للطموبيل... وولدو خلاه مع الخدامة...
"... اوه ربي..... نتي دايما مشاكلك متخلصش.
حبيت نهار نلقا مرة كيما الناس مزوج بندابة كيما نتي.... كنت معمي وتبليت.... "
هبط بزربة وداها للسبيطار.... بحكم انو رئيس بلدية... كامل لازم يشيتولو.... ووصاهم انو الحكاية تتقفل هنا... ومع الانتخابات قربت لازم حاجة ما تمس سمعتو على الاقل الفترة هادي....
كانت حالتها خطيرة بزاف... العنف الجسدي كان كبير.. والحالة النفسية تعها سيئة وتحت الصفر.... يعني تدمير شامل....
ساعتين بش خرجو... خيطولها الجروح وكان عندها تكسار...
"... يخي مزالت حية مماتش.. ؟؟"
"... وي الحمدالله موسيو توفيق.. المريضة في حالة مستقرة درك... أما حاب نقولك ربي يعوضكم.... لانو للأسف كانت حامل فالشهر الأول... ومقدرناش نمنعوه..."
"... لا لمهم هي حية..."
شاف معاه الطبيب باستغراب... هدا ميحسش.
ولدو مات ومدار حتى ردة فعل... تنهد بأسى على حالة زينب وراح مخليه.. سارح في أفكارو...
"... مزية تهنيت من الطفل هدا... كي شغل ناقصني بش نزيد نتربط معاها.... بصح الكلبة مقالتليش... كانت ناوية تخليه وتجيبو.....اصبري برك يا زينب والله غير رح نربيك من جديد... وليتي تناقشيني... و تلعبي من ورا ضهري.. أما درك تشوفي وش رح يصرا فيك..."
كانت راقدة وغاطسة فالا وعي...لمهم متفيقش
ومترجعش للجحيم هداك.... خيالات تعدي رايحة وجاية... حلت عينيها لقات روحها في سبيطار... مست راسها ملقاتش الخيمار... ولات تعيط كشما تلقى واحد لتما يجيبلها حاجة تغطي بيها شعرها....
دخل عليها منرفي وعينه حمر...
"٠..بلعي فمك واسكتي حسك منسمعوش وخرتيني على خدمتي بسبة تسيتيت تاعك.... الله يلعن نهار تلاقيت بيك وتزوجتك..."
".... عطيني خماري علاه ملبستهوليش.. ؟"
"... اصلا رايحة تنحيه... وديري بالك فالحفلة هاديك عندك تلبسي حاجة من حوايجك تع الطلالبة.... جايين مدراء من الخارج... الخمار نحيه كي يروحو لبسيه.... "
قعدت حايرة كيفاه وداهشة فيه... راهو واعي وش راه يقول... شكون لي قدامها... هدا توفيق ولا نو....
".. ك كككك كيفاه مفهمتش؟؟ راك من نيتك تهدر كيفاه نحي الخمار... منقدرش انساها غير عادي توفيق تعيش... متكونش اناني هكدا... هئ هئ... "
حست بالوجع في جسمها كامل..مقدرتش تتحرك...
"... مبعد نتفاهمو... وعندك تهدري كلمة... قوليلهم طحت من الدروج وخلاص... حاجة خلاف رح نقتلك والولاد غير انسايهم وتعرفيني نديرها..... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)