#smile
..... مشات للدوش تدوش وتشوف في التاست لي دارته.. تنهدت بشوية.... ماهيش عارفة وش رايحة تقوله.....اذا راح يوافق ولا نو... هي حاجة مليحة كي يجيبو طفل جديد لعايلتهم اما هو مزال مصر انه لازم يربي ولاد زينب ويهتم بيهم... تحسست بيدها كرشها مغمضة عينيها.... متمنية تجيبو لهاد الدنيا... حابة تجيب جزء منه هو.... حياتهم سعيدة اما ناقصة من غير طفل وبيبي....
.... نهار جديد ويوم جديد... جهزو رواحهم كامل.... بعد ما عيط لزوبيدة بش تلحق هي تاني... حابين لمة عائلية تجمع شملهم......
... هبط وهبطو مو وبهاء تاني... لي كان كبر اما برائتو مزالت هي هي... هو مختلف على هديل بزاف.... ميحقدش... انسان هادي بزاف وعاقل.... عدل شعره بيده... ومشا من وراهم
متوتر.... حشام بزاف وقليل وين يخالط الناس...
... استقبلهم كريم هو وولدو الصغير مؤيد.. يشبه بزاف لامه... سلم عليهم ودخلهم للجنان الكبير...وين كانو طوابل مفرقين ومجهزين الحالة.... فرحة عائلية برك...
.. بداو الضحك والولاد يجريو والزهو كاين كاين... كل واحد يحكي مغامراتو مع لأولاد..
.. كانت بنت كريم بلقيس قاعدة وحاكمة البوبية تاعها.... وتلعب فرحانة..... أروى المتشردة لي تلقاه تخبطو بحجرة... ومها كل خطرة تضربها و النافع ربي... التوأم كبرو ولاو في عمر العشرة سنوات.... كل واحد حاكم شوكة وفي تلفونه..... وبهاء قاعد وحده ملهيه يتفرج في بلقيس.... يشوف معاها بنظرات براءة وإعجاب..... بالنسبة ليه كانت شابة بزاف.... شعرها الأسود وعينيها الزرق... كلشي فيها يجذب... وهو تقدرو تقولو بدا يكبر... أما يقعد إعجاب طفولة منقدروش نحكمه على مستقبله....
.... دخل عليهم أنيس لي ولا راجل ناضج وكبير.... كاريزمة وزين وحطة... يكمل في أعوامه الأخيرة في الطب بش يتخرج كجراح عظام... سلم عليهم وعينيه يحوسو عليها بلاك يلقاها.... وايمان متولهتلو وتضحك من تحت لتحت...
"... أنيس على شكون تحوس.. ؟؟؟"
... شاف معاها وبدأ يمهمه حشمان
"... لا حتى واحد... درك نجي دقيقة..."
.... ضحكت عليه وغمزت تميم لي مكانش فاهم على واه تحكي... جايح الله غالب... أما هي لي تفهم الحب من أول نظرة لانو هي أكثر واحدة تعذبت منه في القصة...
... يراقب في هاد الاجتماع.. وأجواء الفرح والسرور... شحال استنى بش يرتاح ويلقي حرية قلبه.... تنهد كي تفكرها... وعلاه هو يقدر ينساها.... بقات كي الشبح تدور عليه... وحبه ليه مزال اما درك راهو متزوج بأحسن وأجمل وأروع مرأة في الدنيا.... ممكن مزال بس تسلطن قلبه كيما سلطنت عقله اما حاجة ماهي مستحيلة....كيما تزوجت بيه وحققت حلمها راح تكمل تدي قلبه.....
... روحو للدار فرحانين... كل واحد دخل لبيتو بش يرقد... وهي متوترة من حكاية الحمل هادي.... قررت تقول ولي يصرا يصرا... لقاتو متسطح ويخدم في البيسي.. قعدت قدامه ونطقت
"... تميم لي غاقل توخرو..."
... نحا النواظر من عينه وشاف معاها باستغراب
"... هيه والحل؟؟ نشريلك دوا ولا حاجة... قداه متوخرين..."
"... شهر ونص...."
".. ااااووو كيفاه بزاف لازم نروحو للطبيبة.. علاه مقلتليش حتى لدرك..."
... شافت معاه لقاتو قلقان ويشوف معاها عرفته بغل ما يفهم والو...
".... شوف ملخر راني أونسانت.."
....شاف فيها بصدمة وعينه تشرعو اما في يع غطاها بالبرود تاعه...
"... اوكي يتربى في عزنا نشاله... ملخر لكان طفلة نسميوها بسمة.... "
"... هكدا برك مكش فرحان...؟؟"
"... أثرو فيك لي كرونيك تع يسوطي ويهزها ويحضنها.... نوضي ترقدي وغدوة نزورو طبيبة نشوفه صحة البيبي...."
.... من جيهة فرحت انه تقبل الأمر ببساطة ومن جيهة قلقها بالبرود السامط هدا...
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)