smile [مكتملة]

الحلقة 45

#smile

تركشخ بالضحك قدامها وهي تشوف فيه وتخنزر
"... ههههههههه منيتك فطوم... ههه والله غير نتي كعبة يما... هات برك منجيكش عريان... قادر ننسا حتى البوكسار فكاش دار...."

"... خماج.. متحشمش تهدر مع مك هكد مشي اخرج من زريعة باباك..."

خرج مخليها تندب لداخل على المهبول تع ولدها... سلم على الحيران لي لتم والضحك كي العادة مداير حالة...
... ركب في طاكسي للبلاصة لي بعتتهالو... كانت ريستو كبيرة وباينة تع الهاي هاي خلاص... بلع ريقو يشوف فالجو هدا... لقاها قاعدة... دارلها بيدو هاي وقعد مقابلها يشوف مدهوش فالحالة ولي كوبل... تحسيها فلوروب....
"... يا علي الحطة... اسمعي من درك اشربي كأس ما ونوضي بسك معنديش بش نسلك.. ههههه جايبتني لبلاصة كيما هكدا... أنا نشري كاسكروط و بيتزا خامج وبنين وفاريها ههههه نتي لازملك الكغوفات..... والكخواسون... والبواسون.... ههههه تصرفوا مليون في كأس ما..."

مردتش عليه و بقات ساهية فالطاقة لي قدامها....
"...انا أم مليحة؟؟ "
هزلها براسو وشاف معاها بانتلو على غير عادتها اليوم... ملامحها كئيبة وحزينة...
"... مفهمتكش ؟؟؟ "
ميلت راسها ونطقت بصوت هادي.
"... أنا علاه مزلت حية لدرك ؟؟؟ علاه ربي عطاني ولاد وانا منستاهلش نكون ام؟؟"

تبسم وشاف معاها...
"... علاه بالذات تسقسيني انا... ؟؟ بصفة واش تسقسيني... صفة الخائن ولا الصديق ولا الغريب وعلى هدا الأساس نجاوبك.... "
"... جاوبني على اساس عبد مشافش وش قاسيت وش تعذبت... شوفني على اني انسان
... تمنى انو حياتو تكون سعيدة... "

"... ههه صراحة انا مانيش من النوع الجدي ولي يتلها بزاف بفلسفات الحياة اما بالنسبة ليا... انتيا شخص مثير للاهتمام... يعني تقدري تديري شخصية مشتقلة عن راجلك... شوفي حياتك.. أنساي انو راكي متزوجة ولو لفترة بش تديري هدنة مع مشاعرك وعقلك وقلبك.. اعرفي وش يخرج عليك... وحاولي انو تعيشي فرحانة لانو الحياة وحدة... مبدأها هو الابتسامة.... "

".... ههههه تعرف حاجة... جاتني بنتي هادي يومين... وقالتلي بنو تكره روحها وتلومها على مشاكلنا انا و باباها.... مولات عشر سنين برك... نضجت وفهمت الحياة انو غير مشاكل من جرتي انا وجرة أخطائي لي كترت بزاف... وأولها هو اني قاعدة معاك وانا متزوجة.. "

".... ههههه ههه تعتبري انو انا خطيئة... علاه رانا نديرو فالعيب هههه يختي انا عبد واضح وصافي... مشفتش فيك شوفة ناقصة... تقدري تقولي بنو انت بئر أسرار... اي حاجة منقدرش نهدرها نجي ليك نهدرها بش نرتاح... أنت استغليني وانا نستغلك ورح نربحو في زوج.. "

تبسمت واخيرا... خلاتو مصدوم... خدودها طلعو وعينيها تغمضو وسنيها بانو...

"... راني نحلم امبوسيبل هادي نتي راكي تضحكي؟؟؟ انا نروح... مدام زينب الغولة ضحكت... لوكان مجاش ريستو كلاس لوكان راني نشطح.... "

".. نو متزيدش فيها.. ولكان حسبالك خلصت لعبتي معاك... نو مزالت اللعبة قايمة.... أما بصفة جديدة نسمويها الصداقة المحرمة...."

".... اقعدي دايما تضحكي.. قلتهتلك من قبل ونزيد نقولها..

"... You have the most beautiful smile in the world....✨❤️.."