smile [مكتملة]

الحلقة 67

.....مسحت روحها وناضت مشاعرها مخلطة اما حاسة بالسعادة المطلقة... وجاها امل انو يجي يوم تميم يكون ليها ويحبها... يعني يقدر يجي هداك اليوم؟؟؟.. لقات جواد جاي يجري مدلها يدو يعاون فيها بش توقف... ركبت معاه وطريق كامل وهي ساكتة...حتى وصلو للفيلا لي شراتها بعيد على المدينة لي فيها... دوشت ومسحت شعرها لبست شورط وبيستي تمشي في الدار حفيانة.... اصلا مكاين حتى واحد غير هي وجواد محبش يسكن معاها في نفس الدار.... خاف من مرتو... هههه

شربت قهوة مرة قاسحة.... كانت الرابعة تع الصباح... كل دقيقة جات لبالها هديك اللقطات تع الليلة هادي.... سمعت تليفونها يصوني هزتو لقاتو باباها يعيط.... هاد الفترة كامل تحاول تتجنبو.... معندهاش مورال بش تسمع هدرتو عليها.... في كل مرة لازم يعاود نفس الحكاية.. هزت عليه تسمع وش يحوس واصلا لازمها دراهم لانو جمدلها الكونت تعها لبارح...

حطتو اوت باغلوغ وخلاتو.. علابلها درك يبدا بلعياط لي يطرشقلها ودنيها...

"... ايمان.... يا بنت الكلب هكدا ديري فينا... رايحة للجزاير بلا ما تقوليلينا.. مدية معاك جواد... واش هبلتي... واش داك لتما قولي..؟"

نطقت ببرود وعدم اهتمام واضح
"... هدا وش حاب تقول؟؟؟... Dad please
... معينيش نحكي بزاف... نسحق لكونت تاعي يرجع..."

نطق بغش راح يخرجلها من التليفون
"... شوفي ايمان... زوج كلمات يا تحكي بيي وترجعي للوس انجلوس ولا نجي ليك انا... الكونت انسايه حتى تنفذي وش نقول..."

ضحكت ضحكة المهابل تعها وباقية تدور في يدها وتشوف فيها...

"... No dad hhhh احلم مانيش راجعة حتى نكمل وش حابة هنايا... و متخافش مراح يصرالي والو... يخي مالفة نسافر مش حاجة جديدة.. "

"... كيفاش ؟؟ شكون لي كسرت رجلين ويدين القارد تعنا... خليتهم في السبيطار كي مخلاوكش تخرجي وتهربي... وزيد هادوك الرحلات لبلايص خلاف مش الجزاير... علابلنا في زوج علاه رحتي لتما... "

... هزت موس وتعدي فيه على يدها... ونطقت بصوت غالب عليه الضحكة...

"... Dad انسى وش كان بكري... أنا منقدرش نخرج منا غير لكان درت وش في راسي.. و متخافش مرايحة نقتل حتى واحد... "

".... ايمان بنتي... الطفل هداك كان فالباسي خلاص حاولي تنسايه.... متقربيش ليه.. مترجعيناش لهادوة ليامات الكحلة... تشفاي كي حاولتي تنتاحري وعمرك 18 سنة... حاولتي ترمي روحك... لكان حاسبتلك نسيت.. منسيتش... أنت بنتي الوحيدة ومنقدرش نشوفك تتعذبي مرة خلاف... "

تبسمت بقهرة ونطقت..
"... داد هو كلشي... لقيت روحي مدمنة عليه.. لبارح مقدرتش نتحكم في روحي قدامو.. "

"... لالا متقوليش رحتي عندو... عندك ايمان متخاطريش مرة خلاف... بلاصتك في الجيش تسناك متفسديهاش.... لكان اذيتي عبد خلاف ودخلتيه للكوما رايحة تدخلي الحبس عمرك كامل..."

"... متخافش مبقاوش النوبات يجيوني بزاف.. واصلا راني نشرب في الدوا... "

تنهد بشوية علابالو راسها خشين ورايحة دير غير لي في رأسها...
".. ايمان عندك تتهوري بنتي.. ورايح نجي نرجعك كي يسجالي الباسبور.....اول طيارة رح نكون عندك... أحلفي بنو مش رايحة تآذي حتى عبد... "
عضت لسانها كي تفكرت ليلى...
"... نحلفلك بنو هادي آخر خطرة راح نعذب فيها واحد..."

كوبات عليه... نحات البيستي وتشوف في الوشم لي في ظهرها مكتوب اسمو بالانجليزي.... تبسمت كي سمعت عياط تع مرة جاي من برة.... عرفتها ليلى
"... Let's play 🔥🔥🔥.. "