#smile
"....والو.. حتا كي نضحكو تندب.."
حبسو من يدو وناض يضحك كي المهبول فنص الطريق...
".... ههههه علابالي فيها حاجة والله تقول لتكون درتها يا الحمار... اه كريم متوقعتهاش منك..."
حكمو من كتفو ويهز فيه
"... لا مستحيل... علاه مصبرتش يا كريم علاه ديت روحك للهلاك.... "
لوخر مفهم والو وش واه يحكي المهبول هدا
بعد عليه يتبسم
"... بستها واخيرا..."
شاف معاه وناض يضحك
".... أنا قلت فريت جد العذرية خلاص ههه ايا سلامات كي جات في بوسة نعرفك متحشمش.. هههههه مبروك عليك لعقوبة للعرس نشاله... "
"... لعقوبة ليك نشاله ههههه وتجرب.."
خبط راسو بيدو ونطق وهو يتفكر في حاجة
".... متفكرنيش تشفى شكون لي باستني اول مرة فالسيام...."
دور ليه لوخر يضحك يتفكر فالحكاية هاديك
"... هههههههه تفكرتها كي باستك هاديك لي كانت طايحة فيك وتحبك المهبولة...كيفاه كان اسمها .... ؟؟؟ "
".... ههههه وي اسمها ايمان الموسطاشة كنت نتمسخر بيها فالسيام وزعما في عيد الحب باستني ودات شرف اول بوسة لتميم. .... كنت نغير من موسطشتها انا لدرك مقدرتش نوضهم هههههه والله نية هاديك الطفلة صح....معرف وين راهي درك.... "
"...الله اعلم قالك هجرو من هاديك الحومة.. وراحو... نتا وين رايح درك يخي غدوة نروحو لسبيطار لكبير ... "
"... وي نشاله غدوة توحشت لولاد حتى ولاد زبيدة توحشتهم.... ههههه السنافر العفاريت.. درك راني رايح ندور ونقضي للوالدة ونروح.. ايا نخليك باي ومبعد.... "
دارلو بيدو باي باي وراح....
بقا يحوس على هادي لوتروت مفهمش وش رايحة تدير لتما زعما رايحة تقتلو وطيشو فالغابة لي مقابلة الطريق..... قعد يطلع ويهبط في راسو...
وقف الطاكسي لي جا فيها خلاه وراح وهو قعد فالجنب كي البهلول يسنا فيها تجي... كانت الساعة العشرة سمع فر قاوية تع طوموبيل باينة غالية....
هز راسو لقاها والشوفور قدامها يسوق.. هبطت لابسة تالون عالي والغرور كاسي ملامحها مع نواظر مخبيين الحزن في عينيها
... بقا مبهور في الطوموبيل هادي
".. عندك طوموبيل نبيع روحي منجيبش حقها لوكان جيت في بلاصتك راجلك هدا نلصق فيه برجليا ويديا... هههه"
بقات جامدة تتفرج فيه وهو يضحك...
"... محمود اهبط تقدر تروح وكي يسقسيك يقولك وين ديتها قولو حبستها فكافي والباقي معلاباليش اوكي... ؟؟؟؟"
"... وي مدام متخافيش... "
راح الشوفور وخلاهم يشوفو في بعضاهم.. رمات المفاتيح في يدو وركبت من قدام...
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)