#smile
لحست شواربها بقرف وزادت قربت منو كتر وحطت يدها على يدو وهو بعدها بزربة مشمئز منها وكارها يصيب يقتل روحو كي تكون هي وياه فالدار...
أنيس غاطس فالتيفون مش حاس بواش صاري وهو مزير على يدو حاب ينطق حاب يعيط... حاب يهدر وش راه يحس حاب يفضحها وفي نفس الوقت خايف من ردة فعل باباه.. ملي تزوجها قبل عامين... كانت فالبداية عادية... وحاكمة سابعها ليها... أما من موراها بدأت تحتك معاه بزاف وتحب تقرب منو... وهذا الشي هو مش حاملو...
جا خارج لقاها التسعة ونص... لبس فيستتو وهبط من لتما.... لحقتو تجري قبل ما يخرج
".... كريم اسمعلي والله غير نحبك انت... باباك ولا عاجز وانا حابة راجل كيما انت ههههه زين وعين... اصلا نبان ختك منبانوش....
شاف معاها وحكمها من يدها ووجهو حمر رح يتطرطق..... جبدها من رقبتها ويخنق فيها وهي تكح... يخنق يخنق وهي تتعصر... الموت شافتها قدام عينيها... بسيف بش طلقها..
دارلها بيدو إشارة انو هي خامجة وتعيف.. وخرج خابط الباب مخليها ترد فالنفو و تكح وتتحلف فيه الا ما تخليه يخضعلها ولا بيدها ترسلو لجهنم....
خرج برا يهوم فليل ويدور فالحومة.... الحالة هادية شوية وفارغة.... ملقا روحو غير قدام باطيمتها ... لي فالطاج التالت...
كانت تقرى في كتاب كي العادة وتمشط في شعرها... سمعت تقرقيب على الطاقة خلعها ناضت ليه قبل كشما يفيق واحد... لقاتو كريم يديرلها بيدو نحتاجك اهبطي....
ولات تاكل في صوابعها... مش عارفة كيفاه تهبط عندو وعايلتها لهنا... دارتلو بيدها انو متقدرش....
"... راني محتاجك تعيشي اهبطي..."
هادوك الإشارات البسيطة خلات قلبها يوجعها.... لبست جلبابها الأزرق.. ودارت على وجها وخرجت تسلل خايفة وترجف كشما يلقاها... لقات الحالة هادية وكل واحد في بلاصتو... تبسمت وهبطت عندو تجري... خايفة عليه بانلها مش مليح ومقلق ومجروح.....
لقاتو قاعد فالدروج وحاط يدو على خدو.. قربت ليه وحطت يدها على كتفو... خلاتو يدور ليها ويحضنها.... حاسة بدموعو على كتفها... وجسمو يرجف بين يديها... حالتو تبكي وزيد صوتو لي مكانش خلاه يبان بصورة المجروح الصامت... انين برك يتسمع خلاها هي التانية تبكي معاه.... صوتها يسقسي فيه وهو مش قادر يحكي ويخرج وش فيه
".... كريم... هئ هئ وشبيك وشكاين علاه حالتك هكدا.. ؟؟؟؟"
محبش يطلقها وقعد محضنها ووجهو داخل فرقبتها.... قتلكم انو هي امو قبل ما تكون حبيبتو و عشيقتو... طول عمرو يبكي عندها ويشكيلها همومو بصمت.. غير هي لي تفهمو وتفهم اشاراتو....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)