#smile
غمض عينيه ومردش عليها حاسس بجمرة في قلبو قاعدة تكوي فيه..... حاسس روحو خاين و اسوء عبد فهاد الدنيا
عاود شعل الطموبيل وكسيرا بسرعة مهبولة خلاتها تتخلع وتحط يدها على قلبها... ساق كانو واحد قاعد يجري وراه يدخل من طريق لطريق وهي تحاول تحبسو وهو يضحك كي المريض.... هي وجها راح الوان... حاسة كانو شخصية خلاف... هادا هو لي كان خايف يسوق من دقيقة... محبسش غير كي حس روحو ارتاح....
طلق ضحكة من صمصموم قلبو وهي تنهج قدامو...تعسكت اللعبة.... ولات هي المدهوشة والخايفة منو......
دور ليها وتبسم تبسيمة
".... مكش نتي برك لي تعرفي تلعبي و وتكذبي...... مام انا نعرف... واول خدعة هو انو انا معنديش فوبيا... و منخافش من الطموبيلات.... العكس طول عمري نحبهم ونعشق الجنون لي فيهم..."
شافت معاه بصدمة وتبسمت
"... برافو ههههه مكنتش متوقعة الصراحة.. حسبتك جايح..."
".... هههههه تعرفي حاجة انا اكبر جايح ومستعرف بهادا.... لانو قبلت نشاركك في التمسخير هدا لي راكي ديري فيه... يعني متسائلتيش علاش قبلت.... ؟؟؟ "
... دورت ليه وشافت في نص عينيه..
"... فلول قلت انو دراهم تقدر تغريك...و موراها قلت طموبيلات.... أملاك... نساء اما ظهر كلشي غالط لانو انت محصن ضد اغرائاتي لحد الساعة وهذا يخليك شريك مليح فاللعبة.... "
".... شاركت فلعبتك لانو انا حاسس بنفس مشاعرك واحاسيسك...."
تنحات التبسيمة من وجها.... وهدرت ببرود
"... متقدرش تحس بالخيانة الا اذا كنت تخنت من قبل.... ولا انت خاين هههه ومنضنش تكون انت الخائن لانو انت قلبك طاهر بزاف.... "
".... ههههه انا مانيش ملاك فالأخير مدام زينب انا انسان نغلط كيما نتي وكيما الناس كامل.... لمشكل بلاك غلطتي اسوء من تاعك.."
".... وشنو هي لي خلاتك تخاطر بحياتك معايا سي تميم.... ؟؟؟ "
"... أنا حبيت وحدة وهي جامي حبتني... ولدرك مقدرتش ننساها.... "
"..... هههههه وهادي تسميها خيانة في نظرك... الحب مباح... ومنضنش وحدة تقدر تخون عبد كيما انت لانو رح تكون غبية صراحة... "
"... لمشكل انو مش فالحب هي حاجة نورمالمو منحبهاش ومنخممش فيها وقاعد نخون في أقرب الناس ليا بهاد المشاعر.... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)