#smile
حلتلها الخدامة الباب... هزتلها براسها ودخلت.. نحات خمارها وقعدت على السرير حاطة يدها تماصي في رأسها.. الوجاع قتلها... شربت دوا تع الراس وغمضت عينيها تستحضر وش صرا اليوم كي عادتها...
كان توفيق دخل والابتسامة على وجهو مغابتش... حل الباب لقاها لتم.. نحا كرافتو ويصفر
".... نتي كانو مكنتيش فالدار اليوم؟؟؟ والشوفور مكانش.... ؟"
".. خرجت ندور قتلتني الغمة تع الدار... الشوفور انا قتلو روح حبيت انا نسوق للدار.."
"... مممم عسى روحك زينب لانو خرجاتك هادو ميبشروش بالخير... وخليني الفترة هادي وساكت لانو مش حاب نرجع للضرب معاك.. "
"... تسع سنين وانت تقول في نفس الهدرة.. حاجة ما تبدلت توفيق... السلطة عماتك وخلاتك تنسى ماضيك... "
"... مورالي طالع اليوم متخربيهوليش كيما
مالفة... "
نحات الطالون وراحت للكوافوز تنحي فالماكياج وتشوف لي زيكاتريس لي في رقبتها
"... ههههه طول عمرك تفرح انت والناس لي محاوطينَك تعيسين.... لمهم انا مش رايحة نسقسيك علاه لانو ميهمنيش... "
قرب ليها وحكم شعرها يجوز عليه يديه بحنان شديد...
"... ليوم عقدت شراكة مع واحد من إيطاليا.. تقدري تقولي بنو ثروتي رايحة تتضاعف درك.. ورح نضمن الانتخابات هههههه "
....محست غير كي زير على شعرها بيديه خلاها تتوجع وتحاول تجبد شعرها من يدو..
".... زينب زينب... مرتي وام ولادي... كي تحكي معايا المرة الجاية متنسايش شكون نتيا
ومنين جيتي... "
وقفت مقابلتو تقاوم في الدموع لي شعرة ويهبطو ..
".... اني متفكرة وجامي ننسى اصلي ومنين جيت و نتفتخر بيه.... و متنساش بنو انت لي دخلتني لحياتك توفيق نفكرك شكون كان يجري من ورايا.... شكون لي طلب الزواج قداه من مرة.... أنت مش انا... "
"... هههههه للأسف وي اما نتي من اول مرة قبلتي ورميتي روحك في حضني... اه وعايلتك ضحات بيك وعايشة بدراهم راجلك...
شكون لي راه يسقسي عليك زينب.... مك لي رماتك عندي و تستغل فيك .... باباك لي باعك ولا خوك لي يتمسخر بيك...هادو كامل ومزالك تواجهي فيا... "
"... منسمحلكش تهينهم فهمت هما عايلتي... أنت لي مش معروف اصلك ولا فصلك... باباك لي مش مستعرف بيك ورمالك دراهمو بش يسكتك ولا مك لي مطايشة في دار العجزة... هههه شكون فينا لي ميسواش يا توفيق.... قول..... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)