....ناض من عندها يحاول يستوعب وين راهو واش راه يدير.... مس راسو وشاف معاها
".. كيفاه حتى جيتي؟؟؟ وشكون لي قالك ارواحي..."
".... سبحان الله هدا وين كنت لباس عليك.. علاه التشناف هدا درك هههه"
"... هههههه بصح بيزار كي رانا في زوج مع بعض في نفس البيت...."
لاحظت انو عينيه محطهمش في عينيها خلاص.... خايف يضعف... ولات نقطة ضعف في حياتو...
"... تميم حابة نقلك حاجة ؟؟ مش راح نزيدو نتلاقاو مرة خلاف... "
... حس يقلبو تزير عليه... الم رهيب... شاف معاها بعينين ذابلين وتبسم...
"... علاه ؟؟؟ ههه تصالحتي نتي و الموسيو تاعك.. خلاص مبيقيتش مسحقتني..."
"... تميم وش تبدل؟؟؟ وشبيك تحكي هكدا؟؟ مانيش قادرة نفهم تصرفاتك هادي... سعا تختفي ومتزيدش تبان وساعة تجي تسقسي علي حوايج بيزار...."
ناض من السرير ووقف مقلق..
"... كلشي تبدل.. أنا مش فاهم روحي... حياتي كامل وانا فرحان وجامي خميت في حوايج كيما هكدا... دخلتي لحياتي قلبتيها... مبقيت فاهم راسي من رجليا.... ومبعد تجي تخلصي اللعبة لي مكملتش... "
"... مش رايحة نفسرلك ومش ملزومة.. من اليوم كلشي خلاص بيناتنا إنساني...."
جبد ها من كتفها ويشوف في عينيها
"... أنا بالنسبة ليك وشنو زينب... ؟؟ انا وش هو موضعي في حياتك... ؟؟ "
هبطت عينيها تفصل التواصل البصري بيناتهم.... حاسة بالعجز بين يديه وفي نفس الوقت شعور يدغدغ فيها
"... أنت واحد عاوني في حاجة وخلصت.. اي حاجة حابها راح نمدهالك مقابل لهدا..."
".... متأكدة؟؟؟ رجفتك ورعشتك بين يديا ميقولوش هكدا.... أنا اكتر من هدا زينب..."
"... نو اصلا كلشي غلط... أنا معلاباليش وش راه يصرا معايا... اااااا انا خايفة نزيد نغرق فيك كتر.... "
نحا يدو من كتفها وحط راسو على رأسها مخليها تغمض عينيها وهمس بصوت تاعب عاشق
".... كي تكوني قدامي ننسى اني تميم... ننسى شكون انا ومنين جيت... نحس بقلبي راكع قدامك... ضحكتك تخليني نضحك العمر كامل.... كل ما نسخايلك بين يدين راجل خلاف.... نحس بالدم يغلي.... زينب ااااا انا نحبك ونفنا فيك... كتاه و كيفاه معلاباليش اما نعشقك بكل كيانك يا صاحبة أجمل ابتسامة في العالم..... "
.... صدمة كبيرة جاتها منو... شافت معاه لقاتو متبسم وواعي لواه يهدر..... مش مأمنة وذنيها
طلعت عينيها معاه
"... ككككك كيفااااش ؟؟؟ مفهمتش راك واعي لواش تقول ... "
"... هههه واعي يا روحي واعي لأول مرة نكون ناضج وعارف وش راني نقول انا نحبك واسمحلي لانو انوثتك استفزتني"
...حط شفاهو على شفايفها بلا ما يحركهم.. يحاول يشترك معها كل نفس تخرجو.. . مع كل عضة منه يخليها تتزعزع.. الجدار تكسر وهداك القلب سخن . استيقضت الرغبة فيها فجأة وبادلتو البوسة المجنونة... بكل هيام وحب وولع.... بكل مشاعرها الدفينة والظاهرة.... خلات الشمس تغيب على صورة من صور الحب الي تخلق اليوم... ويموت مع أول جثة منهم تتحط في القبر... أما نرجعو للحقيقة انو هدا الحب محرم؟؟؟
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)