#smile
دورت ليها لقاتو جاي ليها... طابس شوية وشاف مه هديل... تبسم وضحك ضحكتو المعتادة ومسحلها على شعرها القصير...
".... بنتك تهبل... متشبهلكش خلاص ههه اما عندكم نفس الشنوفة سبحان الله ههههه"
وقف و استوى وقفتو وشاف معاها..
"... علاه جيت تميم... ؟؟ يخي قتلك الفترة هادي منتلاقاوش.."
"... أنت قلتي انا مقلتش... اصلا حاب نحكي غلبت... اسمعيني وكي نخلص روحي على روحك..."
بنتها شافت معاه بنظرة استغراب... اول مرة تشوفو ولا تعرف انو مها تعرف راجل من غير باباها... كطفل في عمرها هاد الأسئلة يجيو في راسها... و نقدرو نقولو بهاد اللقاء المفاجئ راح تتحل أبواب من نوع آخر عليهم...
"... ماما شكون هدا الراجل؟؟ "
هي اصلا متعرفش شكون هو... اي صلة تخليك تتوحشي بنادم... ماهو اخ ماهو صديق ماهو زوج... وشنو هو في حياتها.. كانت لعبة لعبتها معاه.. او نقولو انتقام حبت ترجع بيه كرامتها لي دهسها توفيق تحت رجليه اما درك.. ماهي حاسة بشي... بالنسبة ليها تميم حاجة خلاف مقدرتش تفسرها...
"... هههووو هو يخدم فالجمعية لي نخدم فيها.... ويعاوني.. ليوم اسحقني بش بش نهدرو في أمور خدمة..."
"... اوكي.. اني خارجة نستناك في الطموبيل.."
طلقتها وخلاتها معاه.... صراحة توقع تقول هاد الهدرة... هو شكون بالنسبة ليها... ؟؟؟ وشنو هي النظرة لي تشوفو بيها...
"... وشبيك هبلت تميم كيفاه تجي لبلاصة هادي؟؟؟ متخافش يشوفونا مع بعض... وش راح يقولو علينا الناس... مخممتش في روحك اذا شافك واحد ويبيع لتوفيق.... هانت عليك حياتك..."
"... هههه كي خممت فيك... نسيت راجلك وعايلتك وسمعتي معاهم... جيت بلا عقل لانو مسحقك..."
"... هانا وش تسحق مني درك..؟؟؟ "
"... نقدرو نقعدو ونهدرو مع بعض...؟؟ "
"... اففف رايحة مع ولادي للبارك... منقدرش ليوم... "
تبسم وعينه لمعو... فكرة مجنونة.. راهو يقامر بحياتو...
"... نروح معاكم.. عندي بزاف مرحتش للبارك... وليوم معنديش شغل بزاف... "
وسعت عينيها معاه... هدا سايي هبل ومولاش عارف وش راه يدير...
"... سفا با؟؟؟. هبلت نتا وين تروح معايا... اسمع نهار خلاف ونحكيو..."
مشات وخلاتو واقف... ماهيش عارفة وش راه يصرا معاها.. تنفست سمعت صوتو
".. زينب... حنان رح تتزوج بعد غدوة... "
.... دورت ليه مصدومة وفي نفس الوقت حايرة....وهو ابتسامة انكسار على وجهو..
"... محتاجك زينب.. محتاج واحد يقولي انو انا اسوء انسان فهاد الدنيا..."
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)