#smile
حكمها من يدها رح يضربها ويدخل براء يجري لداخل فرحان وهاز ورق في يدو..
"... ماما جبت أعلى نقطة في القسم... ههه"
نحات يدها بزربة منو وضحكت وحضنتو.. وتبوس فيه... لوكان مش هو لوكان تبلت بلحمها ازرق اليوم... ومش قادرة على المشاكل على الاقل الفترة هادي...
".. ولدي البطل.. مح مح.. غدوة نشاله...نخرجو نشريولك كادو ونزور ماني.. يخي؟؟ "
"... واي مام انا توحشت ماني وتوحشت الحومة هاديك... بابا سمعت هههه ماما رح تديني عند ماني وخالو حسام...."
".. وي ولدي روح تلعب في بيتك نحكيو انا ومك..."
خرج يجري فرحان والبراءة من وجهو... اسم على مسمى تقدرو تقولو هو العنصر الصالح فهاد العايلة.... هو الوحيد لي متأثرش بالمشاكل لي تغزوها... بلاك عمرو وعقلو مزال صغار.... ويمكن مش حاب يتقبل ... اسباب بزاف
"... شكون لي سمحلك تروحي عند يماك... شكوووون شاورتي قولي... انطقي...".
"..الطفل يسمع اسكت.. خليني نديه عندو بزاف مراهش يحوس وينحي على بالو... ووعدتو بجائزة تسما ملازمش نكسر بخاطرو فهمت...."
... خرج وخبط الباب موراه مخليها تتنفس براحة.....ليوم تبات بعضامها مسقمين...
نمشيو مترات قلال بيت بيضا ستيلها باهي...كانت قاعدة على السرير و خايفة انو يعرف باباها انو عملولها استعداء.... هديل ام التسعة ولي بقالها خمس ايام وتقفل عشرة... عمرها صغير اما عقلها يوزن دولة... عدائية ومن النوع العنيف لي يخليك تتصدم فيها ومتعطيهاش هاد العمر البري ء...
جاها مساج من عند صحبتها
"... اسمعي هديل غدوة اني منجيش نقرا حاولي تفريها مع الأستاذة...."
".. اففف دايما نتيا هكدا.... علابلك دارولي استدعاء... معرفتش وش ندير لوكان نقول لبابا سيرمو رح يتنحالي التليفون ورح نتعاقب...."
"... ههههه يختي نستعرف بيك كي ضربتيها بالكتاب لوجها تستاهل الصراحة... مفهمتش علاه والديك معقدين هكدا... راكي عشر سنين نورمالمو يسمعو رايك.... "
"... منيتك؟؟ مزلني صغيرة مانيش قدك يخي علابلك... دبرتيها راكي رايحة تقفلي خمستاش... "
"... لمهم افريها معاهم وقوليلهم انو هي الغالطة.... ولقاي سبة ايا تشاو... "
حطت التيفون على جنب وتاكل في يدها... متوترة بزاف وخايفة من ردة فعلهم...
"... اصلا تستاهل هي لي ضحكت عليا... نورمالمو نقتلها....
.... هديل اهداي هيا روحي قوليلهم بلا ما تخافي... "
خرجت من البيت وراحت لبيت مها لقاتها قاعدة فالطاقة وساهية... حمحمت بش تجلب انتباهها... زينب استغربت شوية منها و قعدتها قدامها... وفي عينيها غير هداك الشي لي لقاتو مكتوب...
"... ماما لازم نحكي معاك في حاجة.. ؟؟"
".. مام انا عندي سيجي نهدرو فيه... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)