#smile
جات الطبيبة بش تديرلها معاينة في الصباح..
اليوم يوم خروجها... خلاها مرمية في السبيطار ومخممش يسقسي عليها...
"... مدام راكي مليحة ليوم... متحسي بحتى ألم..."
شافت معاها بنظرة باردة...
"... وي منحس بحتا حاجة خرجوني درك قلقت من ريحة الدوا..."
".... راكي مليحة مي عندك ضرر برك فالرحم تعك من آثار الضرب.. وهذا لازملو على الاقل عام بلا ما يصرا حمل لانو الرحم مش رح يتحمل... وزيد فقدانك للجنين خلاه يأثر على جسمك... "
حابة تستوعب وش قالت.. وينا جنين تحكي عليه هادي..؟؟ ماهي فاهمة حتى حاجة...
"... وينا جججج ججج جنين تحكي عليه.. ؟"
"... مدام نتي كنت حامل فالشهر اللول وللأسف فقدناه ومقدرناش ننقذوه... "
".... ك كك كيفاه؟؟ درك خلاص مكانش بيبي ولدي خلاص راح...؟؟؟ "
"... مدام تهدني هدا مش مليح لحالتك... ربي يعوضك نشاله..."
خرجت وخلاتها تعيط لربي لي خلقها... قتل ولدهم... قتلها ولدها وحرمها من ريحتو.. عياط وبكا... دخلت فهستيريا وصدمة نفسية..
... وولات تضحك من الوجع.... الألم... مشاعر بزاف مش مفهومة... حابة تقطع شعرها.. حابة تقتل روحها.... كرهت حياتها....
".... علاه يا ربي علاه... وش درت حتا يصرا فيا هكدا علاه... حابة نموت... أديني يا ربي وهنيني من المعيشة هادي... الله يلعنك توفيق لله لا تربحك.... هئ هئ هئ..... اه اه هئ هئ.."
حبس صوتها بشوية وهدات.. ظهر شحوب في وجها وعينيها فرغو كي المراية... كأنو اخر نقطة احساس مات ومش راح يولي...
زينب شخصية بالنسبة ليا معقدة بزاف... التقلبات المزاجية ومع الوقائع لي رايحين نكتاشفوهم راح يخليكم في دوامة من التساؤلات مش عارفين شكون الشرير اصلا فالقصة.... صح اسمها smile اما الابتسامة انواع... ومش كل ابتسامة رح تكون تعبر عن الخير والسعادة.... لانو ابتسامة زينب تكونت من رحم المعاناة والقسوة... أنا ضد انو تكون المرة ضعيفة... أما صراحة تأثرت ببزاف نسا يتعرضو للخيانة والضرب والعنف ويسكتو...مع انو تطورنا الا انو المرأة للأسف مزالت مضطهدة في محتمعاتنا... يفرضو عليها الزواج.... يحاسبوها على نقطة الدم ....الضرب والسبان... و في الأخير تترمى في دار للعجزة.... جرح اب وجرح ام وجرح اخ وجرح زوج والأخير جرح ابن... وجرح مجتمع ذكوري.... وتبقى المرأة هي الجسم المقاوم لكل هاته الجروح....
دخل عندها وعلى وجهو البرود... هو يمشي وهي موراه تعرج... رجليها مش حاسة بيهم...
طلعت قدامو في الطموبيل و دورت للكارو... كرهت وجهو وكرهتو... أما قلبها قاعد يقول عكس هكدا... مفهمتش وينا مرحلة راهي فيها.... راهي تحبو ولا تكرهو..... حاجة ما مفهمومة اما خسارة ولدها خلاها تعاود تستوعب انو مستحيل يرجعو كيما كانو...
".... اسمعي الضرب لي ديتيه راهو والو.....
يعني حاولي انك تسكتي المرة الجاية... معنديش مرا تتناقش معايا ولا تحاسبني...ماكلة شاربة وفي دار... وعندك دراهم... متخلينيش نرجع الوحش لي نعرفوه
كي يسقسيوك الولاد قولي انو طحتي... الشي لي صرا خليه بيناتنا... وحقا ليوم راح يجيو بش يداويولك وجهك... لانيفارسار تع براء مبقاش بزاف.... نتي تفاهمي مع الي يقومو بالحفلة.... "
خلاتو يهدر وحدو.. مردت مشافت فيه... كأنو اصلا مكانش... ما عليها غير تنفد... على الأقل هاد الفترة... لانو لوكان تموت تحت يدو... رح تخلي ولادها مع مرت اب....
حطت راسها على الكرسي لي ملورا وغمضت عينيها... حابة تتكيف... حابة تنسى الاوجاع والجروح النفسية....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)