#smile
كانت كلمات بلغة بسيطة خلاتها بدون ما تحس تشوف معاه بدقة اكتر... هدرة بسيطة زعزعتها من الداخل... بكل الطرق تحاول انو تقعد باردة في معاملتها معاه... لازم تتحكم في تصرفاتها كونها ام ومسؤولة.... أما هو عكسها.. بالرغم انو قد بعض فالعمر اما من جيهة تفكيرها وتفكيرو بعاد بزاف... هو عايش بلا تكلف وببساطة... يحب خدمتو... عايش مع عايلتو... أما هي طول عمرها فالمشاكل خلاتها تكتسب شخصية كيما قلتو نتوما سامطة وباردة وانانية...... كيفاه قاعد هدا الراجل يلعب كيما يحب... مسار الحكاية هادي قاعد يتعقد... زينب نتي هدفك توفيق مش تميم... راكي قاعدة تغلطي.... فيقي زينب ماكيش تع حب وغرام... لازم تصلحي دارك وتربي ولادك.. ماكيش مراهقة بش تعيشي الحب من جديد.. و الأسوء مع شخصية غريبة كيما تميم...لاحظ صمتها فجأة ونطق
".... كيفاه اسمها بنتك وولدك...؟؟"
"... اه ولادي انا؟؟؟؟ علاه تحوس عليهم..."
".... ههههه وشبيكي مخلوعة غير الخير.. جيست حاب نحل كونفوساسيون معاك..."
"... هديل وبراء..."
"... علاه متجيبيهمش نتعرف عليهم كش نهار بلاك نقدر نعاون بنتك تخرج من حالتها..."
".. هديل صعيبة في التعامل... ميقدر حتى واحد يفهمها ولا يعاونها... أنا مها ومنعرفش حوايح بزاف عليها... "
".... ههههه متخافيش عديت بزاف وقت مع اللولاد بجميع الاعمار.... نقدر نعاونها... بنتك محتاجة صديق كيما نتيا... لازم تكوني صحبتها قبل ما تكوني مها... وجو عائلي منعدم كيما لي عندك منقدرش نتخيل كمية الضغط لي تعيشو.... "
".... كل خطرة تقلب دور جديد... ساعة مهرج.. ساعة بسيكولوغ.... ساعة مرشد اجتماعي.. شكون نتايا بالضبط...؟؟؟ "
.. تبسم وترشف من الما لي قدامو...
".... أنا تميم جبران... جيست تميم... أنا حر وملك روحي ومشاعري وافكاري واحاسيسي... ونتيا شكون... ؟؟؟ اسكو انتيا ملك روحك زينب..؟؟؟ "
سكتت وعضت شواربها بشوية... سؤال غريب ومحير في نفس الوقت...
"... نحاوبك انا.... نتي بعتي روحك لراجلك و ولادك... و عايلتك ومجتمعك....خليتي مشاعرك منفية ومنسية وهجرتي قلبك... أنت متعرفيش تحبي روحك... أنت جامي جربتي الحب ولا عشتيه.... "
قلقها بالهدرة هادي... شافت معاه منرفزة ونطقت
"... شكون لي قالك ؟؟؟ انا حبيت توفيق... على هدا راني قاعدة معاك درك.. حبيتو من كل قلبي ومزلت نحبو... "
"... أنت محبيتش توفيق.... أنت حبيتي تملكي توفيق...حبيتي تعيشي عكس وش شفتي الناس يعيشو.... أنت قاعدة تكذبي علي روحك وكي تفيقي رح تلقاي بنو خسرتي حوايج بزاف في حياتك.... وراح تندمي بزاف بزاف... ههههه انا رح نكون الدليل تعك بش تلقاي راحتك النفسية مدام سليماني... ولا خلينا من اللقب هدا... نعيطلك زينب...... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)