#smile
هبط يفطر معاهم... الزن تع مو وتع ختو وولادها... دار العايلة.... لبس قشو وخرج وحدو.. يدور فالحومة ولي يلقاه يتبسم معاه..
... صراحة كامل يحبوه ويحترموه... مع انو يجيهم مهبول شوية... الا انو اخلاقو مكانش كيفها.... شاف مع ساعتو لقاها العشرة والمقابلة هاديك على التلاتة... قعد فكرسي فالجاردان ويتفرج فالناس لي معديين... واحدة من هواياتو انو يراقب الناس ويقراهم ويسخايل شخصياتهم وافكارهم.... خمم انو يدير دكتوراه
... أما ما زال مكتبش ربي... نهار يحس روحو ساجي رح يديرها....
ولوقت هدا بداو لي كوبل يجيو... هو لي قاعد وحدو فالكرسي.. يراقب بصمت... حاسس روحو بيزار.... الغاشي يتمعشق ويسمع غير ف بب وعمري وحبي... وهو مسكين شابع بزاق وخنونة من اللولاد..
نقدرو نقولو بنو هو عندو مبادئ فالحب.. الحب عندو حاجة تدمر الإنسان وتخليه مهموم.... وتحرمو من راحة البال... وهو مش حاب يلعب بمشاعر بنات... كيما يدير كيما رح يتجازى... خلي كلشي مورا الزواج...هكدا بش يريح راسو وميدخلش في مشاكل ووجاع راس هو مش محتاجها...
هدفو الوحيد من الزواج ولا العلاقات هو انو يجيب ولاد...ويعيش حياة عادية وبسيطة.. كاي شخص عادي...
ناض من الكرسي وتنفس بجهد داير في بالو يروح لمكان الإعلان.. دار رئيس البلدية....
فهاديك اللحظة كانت هي قدام المراية تغطي فجروح وجها وتعدل فالخمار... هبطت لتحت...لقات الدنيا معمرة.. شركات تحضير حفلات..... تع اللبسة وتع الماكلة.... حتى تع ترفيه.... يعني كلشي كان جاهز... هدا الشي قاعدة ديرو لولدها... حابتو يفرح... مع انو متفهمش بزاف فالحوايج هادو اما كونها من سيدات الطبقة الارسقراطية زعما... لازم تكون تعرف هاد الشي...
عدات ساعتين تحضر معاهم... وتخير وش يعجبها.. كانو خلصو كلشي... حتى سمعت عياط من برا... شافت مع الخدامة بش تكمل الباقي وهي طلعت ترتح... نفسيتها ماهيش تع فرح...
كان هو واصل اما متوخر كي العادة على الموعد... يشوف فالفيلا الكبيرة والعساسين.. باينة من صحاب الهاي هاي....
مخلاوهش يدخل... حاول معاهم بش يخليهوه وهما مانعينو....والنسبة ليه هاد الحاجة مهمة بزاف.... يقدر بالدراهم هادوك يدير حوايج بزاف....
عياطهم طلع والحس زاد... يتقابد مع العساس
".... وش صاري هنايا... ؟؟ وش كأني احمد"
"... هدا قالك حاب يخدم في الحفلة تع ولد المعلم... ههههه وحاسبنا مهابل نأمنوه..."
".....والله اختي انا خدام... وحب نجرب بلاك يقبلوني.... وهذا الشجرة محبش يدخلني.."
شافت معاه من فالفوق واللتحت... ودارتلو بيدها يمشي معاها...
مشا وفمو محلول من الفخامة تع الفيلا.. والطومبيلات... كلشي غالي ومع هو كان عايش في حي بسيط هادو كامل ميعرفهمش
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)