#smile
.... ناس تتزوج وناس تتطلق... ناس تفرح وناس تبكي... دايما يلفتني هاد التناقض الكبير في الدنيا..... لدرجة ناس تموت ملقاتش وش تاكل وناس تحرق دراهم... هههه غريبة... وهاد التشبيه ينطبق على تميم وكريم.... واحد تزوج بحب حياتو بلا مشاكل... وواحد لدرك ملقاش الحب وكي يلقاه يتحرق....
... كانت دار صغيرة في باطيمة كبيرة... مجهزينها للعرايس تعنا... تعطيك طابع الرقة والحب... تخليك تحب تستكشف كل بلاصة فيها... اللون الباهت لي مد الرونق المخملي لهاد الدار.... كانت موراه تمشي و لافوال مغطيتها كاملة... حاسة بالتوتر اما قلبها راح يحبس من كمية المشاعر والحب... واخيرا راهو قدامها باسم راجلها مش حبيبها.... راهو معاها وواحد ما يقدر يفرقهم... غمضت عينيها تشم في ريحتو... هو عقلو مع حبيتو وعقل مع تميم... مفمهش وشبيه... دور ليها وجبدها من يدها طول للبيت .. دخلو للبيت لي كانت مزينة بطريقة جميلة وبسيطة... ورد وزينة.... ساعات البساطة هي الجمال... نحالها لافوال من على وجها... متحمس بش يشوفها... طلعت عينيها معاه حشمانة... عينيها يلمعو من قوة الاحاسيس.. باسها على رأسها وتبسم
... دارلها بيدو فرحان...
".... مانيش مأمن بنو تزوجنا واخيرا... مش قادر نشرحلك مشاعري..."
حطت يدها على قلبها وزادت حطتها على قلبو
.... حبت تعترفلو بلغتو... حبت تمسح اي لغة تعرفها و تخلي لغة الحب اليوم تهدر...
... شاف مع يدو لي حاكمتها متبسم... حل عينيهكي فهم وش قالت...أنا نحبك... كان أول اعتراف منها.... حبت تبينلو انو صمتو مش ضعف بش يخلي علاقتهم عاجزة.... هي تحبو بجميع لغات الدنيا...
... جبدها ليه يحضنها وهي تاني.. بعدت عليه حشمانة وراحت تدوش وتنحي عليها تعب العرس وتجهيزاتو.... تتفكر حياتها من لي زادت حتى لدرك.... كي كانت تتقابد مع كريم فلول.. كأنو صغار و يتقابدو.... كيفاه كان السند تاعها وحاميها في فترة المراهقة..... ودرك راجلها وحلالها وحبيبها.... خرجت من لتما وهو دخل موراها.... دوش ليه ليه وخرج لقاها قاعدة تسني فيه بش يصليو... إسدال الصلاة خلاتها تبان في هيئة الملاك.... صلى بيها ودعاو في قلوبهم انو ربي يسعدهم ويهنيهم...
.... اللقطة الحاسمة اللي يتحدو فيها أي زوجين... اصلا منحبش نسميها بعلاقة جنسية على قد ما نسميها علاقة تكاملية... بالنسبة ليا هداك النقص في الأنثى ولا الذكر يتعوض في هاد النوع من العلاقات... وطبعا الحلال دايما عندو ذوق خلاف... نشوة خلاف ورغبة خلاف... في كل قطعة تتنحي منها تحس بشعور غريب... بالخوف الشديد من لي جاي.. أما هو باحتضانو ليها وقبلاته الحنونة والمتعطشة... تخليها تبع احساسيها معاه... نسات الخوف والتوتر ورخفت روحها ليه... عاشو مع بعض كل لحظة... وكل تفصيلة لي راح تترسخ في اذهانهم.... اتحاد الأجساد...
... كانت ليلة حماسية وكاملة من كل الجوانب... كريم بصم مرتو واخيرا بلمستو الخاصة......
...بعد عليها ينهج وابتسامة على وجهو... وجها حمر ودموع قلال في عينيها...
"... راكي مليحة.. فورصيت عليك..؟؟"
.... مسحت الدموع من عينيها وشافت معاه وجبدتو ليها.. وهمست في وذنو...
"... لا كنت حنين بزاف لدرجة نسيت روحي معاك.."
... جبدها ليه وحضنها بحب وهي المثل مخليين صورة تنضم لالبوم صور القصة... في فصل الحب والشوق والزواج.....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)