#smile
.... لف على روحو المنشفة وخرج... قعد على السرير... حط يدو على راسو ويخمم... وصل لدرجة في التفكير والتخمام زايدة بزاف.. بلاك مجاتش في بالو انو يجي نهار ويحكي لي في قلبو.... هو هكداك جاب تليفونو ويبربش فيه... يحوس على اي بروفيل ليها...جربهم كامل مصلحتلو حتى وحدة ََ... طيشو قدامو حتى سمع ميساج هزو طول لقاها هي بعتتلو انو غدوة لازم يتلاقاو... جاوبها باوكي وتبسم.. حاسس بروح المغامرة والتشويق... لبس قشو وجا خارج من الباب.. لاقاتو هي
".. تميم تقدر توصلني لقدام الطاكسيات... ؟؟"
شاف مع مو مكرز... هزتلو براسها ترطب فالحالة... تبسم تبسيمة صفرة... وخرج علابالو خلاص فسد نهارو من السكوتش هادي...
قبل ما تخرج ليلى من الدار عيطتلها فطوم..
"... ليلى بنتي اسناي دقيقة نحكي معاك.. ؟"
".. وي خالتي كشما سحقيتي... ؟"
".. شوفي بنتي علابالي علاه جيتي...؟؟ كلشي مفضوح قدا عينيا... صح تمنيتك مرت ولدي قبل ربع سنين...وخطبتك اما نتي لي حبستي معاه وزدتي هنتيه بخدمتو لي يحبها... اي امل من هاد الجيهة غير نحيه من بالك... تميم الحاجة لي تجرحو مرة عمرو يزيد يقرب ليها مهما يصرا... حاولي متحتكيش معاه بزاف لانو صبرو قليل وقادر كشما يديرلك.... "
"... لا خالتي انا مقصدي والو... جيت غير بش نطل عليك.. "
"... معليش بنتي الدار دارك وكما تحبي ارواحي... "
خرجت من عندها والاحباط على وجها... كانت عندها أمل انو ممكن خالتها تقبل تخطبها مرة خلاف اما.... بهدرتها هادي تيقنت انو مستحيل تصرا...
لحقتو وهو يمشي مشافش فيها
".. تميم سمحلي على الهدرة لي هدرتهالك قبل علابالي مزالت تجرح فيك اما انا حبيت يكون عندي مستقبل مليح.... وبخدمتك.."
".. ليلى اختي... تعرفي حاجة اول مرة رح نهدرها ليك... أنا جامي حبيتك وجامي حبيت نتزوج بيك... على وجه يما درتها وكنت فالفترة هاديك مش في حوالي... الحمد الله مجاتش الغلطة مني ونتي فسختي من جيهتك.... ربي يعطيك من جيهة خرى نشاله.. "
"... بصح علابالي تحبني... لوكان محيتش تحبني علاه مزوجتش لدرك... طفلة ما دخلت لحياتك... "
".. شكون لي قالك معنديش طفلة... عندي ونشاله عن قريب نخطبها.... "
خلاها وراح وهي تشوف معاه... الفضول والغيرة كلاتها.... شكون هادي لي تقبل بتميم.. شكون لي تقبل تتزوج بمهرج بهلول معندو حي حاجة...
بقات الأفكار تدي فيها وتجيب... ركبت الطاكسي وراحت... درك راهي مطلقة.. تميم الفرصة تاعها بش تزيد تعاود حياتها من جديد... ولازم تعرف شكون هادي المرأة لي حبها المهرج
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)