smile [مكتملة]

الحلقة 87

#smile

Flash back ✨
.... زينب قبل ما تموت.. كانت مخططة انه تبعت رسالة لتميم... بعد الطلاق كانت ناوية تسافر هي وولادها و تخلي كل شي من موراها.... يعني تقدرو تقولو انه فكرة الانتقام بردت وراحت من بالها.... أما كشف توفيق للحكاية غير بزاف حوايج... كان راقد في الدار وجهو شاحب وبين يديه رسالة عطاتهالو الخدامة تع زينب.... كانت موصيتها من هاد الجيهة.... خططت لكلشي اما موتها جامي توقعته..... يديه يرجفو وهو يحل فيها... قربها لخشمو يشم... كانت الرسالة بالبارفان القاوية تاعها... تخليك تشمها من بعيد... حلها بشوية وقلبه يخبط من محتواها....

".... تميم... هادي انا زينب... معلاباليش اذا كنت مزلت في البلاد كي تقرأ هاد الرسالة اما حابة نقولك حاجة... توحشتك ههههه متستغربش حتى الغوال يتوحشو ساعات... صراحة جامي تخايلت يجي نهار راح نقول فيه هاد الكلام لواحد... أما انت كنت مختلف.. كنت مختلف عن الرجال. ة.. ممكن كان آخر لقاء مش مليح.... وقسيت عليك...أما الله غالب والفت القسوة والانانية في حياتي لدرجة نسيت اللطف والحنان... وفاقد الشيئ لا يعطيه كنت خايفة انه لوكان نزيد نغرق معاك راح ندمرلك حياتك اكتر.. أما ثيق بنو مندمتش اني عرفتك... بالنسبة ليا انت اجمل ذنب اقترفته... عشت معاك أحاسيس جديدة... خليت قلبي يحبك رغم عيوبي واخطائي الي بزاف.....

.... أنا زدت في حومة شعبية صغيرة... في عائلة فقيرة.... وهذا خلاني نحلم بزاف هههه..... أما الفرق انه كنت انسانة بريئة... أما صدقني الحياة لي بدلتني.... خلاتني نكره وما نثيق في حتى واحد... تميم انا محبيتش توفيق هداك الحب لي يخليني نبررلو كيما قاعدة نبررلك درك.... هو كان نزوة... أنا كنت ضحية ثقة واغتصاب.... كي تعارفت بيه كان هو حبيب صاحبتي المقربة.... وبعد ما تفارقت معاه.... جاتني تبكي بش ترجعه.. حبت نعاونها بش يصالحو..... ولقاء مورا لقاء معاه لقيت روحي نميل ليه.... عجبني.. كنت معمية اني واقعة مع شخص اناني وحقير بزاف... كان عندو الدراهم لي تخليني نغمض عينيا وبالي مرتاح.... أما في لحظة غدر.. اغتصبني إجبار عليا.... ههههههه علابالي تصدمت وراك تلعب بعينيك كي تتشوكا.... حفظت كلشي فيك... وهدا خلاني نجيب بنتي هديل لي كانت نتيجة اغتصاب..... حاولت مع والديا انه يرفعو قضية.. حاولت نقولهم انه انا مظلومة.... أما رشاهم بالدراهم والطموبيل وزوجوني بش نستر عاري..... وينو العار وانا كنت ضحية اغتصاب.... ؟؟؟؟

.... كان أول عام من الزواج كيما الأحلام... كلشي كان مثالي اما موراها تقلب كي عرفت الجزء المظلم من راجلي العزيز.... السوق السوداء..... والمافيات تع الدولة والحكومة.... عرفت انه كنت مجرد هامش في حياته خلاتو يخوني بكل ارياحية..... كي شفتك اول مرة جذبتني وخليتني نحب ابتسامتي.... بسبتك وليت نشوف مع روحي في المراية ونشوف ضحكتي لي خلاتني أجمل واحدة في العالم بالنسبة ليك.... هههههه متبكيش عندك تبكي يا الخواف.... ساعات نحسك مش راجل كي تولي حنين بزاف.... أما نتمنى انه راح تلقى وحدة تحبك وراح تعيشك مرتاح معاها.... حنان كانت وهم وانا جرح... لازملك تلقى الدواء لي يخليك تشفي من الأوهام والجروح..... اضحك تميم عمرك تبكي ولا تحزن.... أنت مميز... حاول تحقق حلمك..... كمل مهنتك كمهرج... علابالي بدلتها بش تخليني نتقبلك..... أما أنا ملول مكنتش نستاهلك ولا نستاهل حبك النقي ليا.....

..... خايفة على ولادي من قراراتي هادي اما رح نحاول نصلح كلشي ونعيش معاهم مرتاحة..... ولكان جا نهار وتغيرت أرواح زورني وحوس عليا ممكن نقدر نتقبل حبك....وراح نعيشو نهار تحواس كيما تع المرة لي فاتت.... ورايحة نتقيي عليك كيما مالفة هههههههه

.... تميم أنا نحبك ونعشقك... Smile لآخر مرة...... ❤️"

.... الرسالة هاديك عاودها قداه من مرة... لمس جانب جديد منها.. عمره ما توقع يلقاه.. غمض عينيه والدموع مزالو يطيحو... ويضحك في نفس الوقت متأثر.... يا زينب وش درتي فيا.....

.... في هاديك الدقيقة كان كريم جا وطلع عنده.... لقاه مسطح وحالة البيت تحيى الميت... دخل جبدو لقاه هاز هاديك الورقة و يبكي...