#smile
نروحو عند كوبل تحبوهم بزاف...
... قاعدة على البونك وتاكل فالفريت بالمايوناز
... تتفرج في مسلسل تركي متبعتو وغايسة فالابطال تاعهم... هدا طويل هدا قصير... هدا بوقوس هدا زين وعسل.... أصناف الرجال كامل عشقت فيهم...
"... شوفي النساء لي عندهم الزهر... علاه كيما
انا مدية كسرة محروقة... اففف.. وزيد حتى الرومانسية زيرو... والله توحشتو الحمار....."
"...ماما رسيم سيح الما فالتولات... ارواحي تشوفي..."
"... كملو على جدي درك... مكفانيش اللي هنا زيدو عليا... قولو عوم لتما والله ماني نايضة...
الله يلعن النهار لي تزوجت وحليت رجليا للميلود الفايح.... "
راح يجري مخليها تكمل الغزل بالابطال تع المسلسل... ولادها قلبو الدنيا بالميمان وهي من الغلبة رقدت ومفاقت والو... تعرفو هرمونات الحمل كيفاه تخلي المرأة
تحل باب الدار دخل بالكومبا تاعو وفيستا نحاها وعلقها... شاف الما واصل حتى لرجليه.. راح يجري لقا واحد معلق فالبينوار... والحالة مقلبة..
.... عيط عليها مريبونداتش عليه.. طل فالصالون لقاها راقدة شعرها مطلوق وحاطة يدها على كرشها... تبسم بشوية ودز الباب عليها
"... ارواحو هنايا نتا وياه... علاه مقلبين الدنيا هكدا والحس ومكم راقدة لهيه متحسوش نتوما..."
".. سامحنا بابا... حبينا نلمو الدنيا اما معرفناش...."
"... باينة راني نشوف اللمان تاعكم.. لوكان طولت دقيقة نلقاكم تعومو برا نتوما ومكم.. صنعة وحدة هههه ادخلو تدوشو يا الخماج المعفونين... عندها الحق زبدة... ووثتو العفن من عندي ههههه "
.. دخلهم يدوشو و ساعة ساعة يطرشوه.. لبسلهم ورماهم في بيتهم وهو راح دوش ولم الدنيا والحالة وراح قعد قدامها يتفرج فيها متبسم....
حكمها من رجليها كي شاف رقدتها معوجة..
".. اه مسلاني ابابا... تقول رامول ا بن عمي..ههههه تسمعني تبيتني بلا عشا... "
حلت عين فيه تعبانة ونطقت بصوت غالب عليه الرقاد
"... درت فريت بالمايوناز... مكاله تحلم تاكلهم فهمت... كي وليت انا رامول يا الفايح المعفون....."
عنقتو وهو شابع ضحك عليها وعلى هدرتها.. حطها وتسطح قدامها في بيتهم وهي حاوطت رقبتو وهمست قدام وذنو
".... احلى معفون.. يا ميلودي... العسل. ههه"
... تبسم وهي كملت رقادها في حضنو.. دايما يحمد ربي انو عندو مرأة كيف زبيدة... صح مهبولة وغيارة بزاف اما قلبها وحبها الكبير يخليه دايما شاكر ربي عليها.. وزادت عطاتلو أجمل هدية فالدنيا... ولادهم... حس بضربة من كرشها عرفها بنتو ولا ولدو توحشوه...حط يدو يمسد فيها..... لدرك معرفوش وش عندها وهي محبتش... قالت حابتها مفاجأة... مدابيه تكون طفلة اما ربي الرزاق على اي حال...
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)