#smile
".... خالتي وش راكي سفا لباس... ؟؟ مام انا حمدلله... وي طلقت والله تهنيت منو ومن مشاكلو.... شربوني المرار.. هيه شفتي..."
"... ياه يا ليلى ربي يعينك بنتي علابالي صعيبة وعجوزتك ربي يهديها... ناس مولاتش في قلوبها الرحمة..."
"... اكي تشوفي خالتي مش الناس كامل يخمو كيفك... يا حليلها لي تكون عروستك.. تحطيها كي بنتك... "
".. هههه لا عروسة لا والو الساعة هادي.. تميم لا حب يخطب لا حب نخطبولو.. قاعد قالك معينوش حتى يلقى خدمة ثابتة... وراسو خشين كي باباه... عييت معاه والله... "
تبسمت معاها وعينيها يلعبو بلاك تلمح ظلو.. هزت فنجان القهوة وتشرب...
جا سي مولاي السلطان من البيت بالشورط احمر ويثاوب.... هدا وين ناض من الرقاد... يعيط على فطوم... دخل للصالون وعينيه مغمضين
"... يما وين راحت المنشفة تاعي..؟؟ "
"... حل عينيك كي الناس ومبعد نطق... داتها ختك معاها قاتلك مليحة ودافية للدوش..."
شرع عينيه وشاف معاها مدور لجيهة لخرى متولهش خلاص لليلى لي قاعدة تشوف فالزين لي قدامها... زاد زيان الحلوف... السمورية تاعو وشعرو... خلاتها تندم عليه صح...
".... كيفاش.. بقا غير البوكسور تزيد تديه بنتك.... منين تجي تعرينا... متعرفش تشري مناشف كي الناس... افف"
"... روح البس حاجة وسلم على بنت خالتك لي وراك..."
"... اه وينا هادي.. ؟؟"
دور شافها قاعدة ومتبسمة تبسيمتها الصفرة.. يعيطلها السكوتش... مجا تهنا منها غير بطلوع الحر... ضحكت في وجهو
"... صباح الخير تيمو... وشراك ولد خالتي لباس... "
.... بادلها ابتسامة الأفاعي ونطق
"... صباح النور سكوتش... قصدي ليلى هادي غيبة... "
وقفت مقابلتو
".. الله لا يغيبك... اك علابلك طلقت اليامات هادو وجيت عند يما...."
"...جيتي عند يماك وحنا علاه..."
خبطتو مو ملورا... خلاهم وخرج... علابالو علاه جات و مزالو جياتها مطولين... الخطبة هاديك كانت أكبر غلطة في حياتو.... لانو حاول ينسى بيها حنان.... حاول يصرف قلبو عن الانتباه ليها....
... طلق الما ودخل تحتو مغمض عينيه... حاسس بفراغ كبير في حياتو....من يوم ما دخلت زينب لحياتو... خلاتو محتار.. المخاوف لي كان يهرب منها .... لقا روحو قاعد يواجه فيها.... قاعد يصتدم بيها في كل دقيقة...
زينب زينب زينب... مفهمش علاه قاعد يخمم فيها.... المرأة متزوجة وعندها زوج ولاد.... مهربش من حب حنان بش يطيح في زينب هدا مستحيل بالنسبة ليه... قلبو استحمل جرح حب واحد.... أما إذا زاد تكسر راح يدمر نهائيا....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)