smile [مكتملة]

الحلقة 86

#smile

..... الموت الغريبة لي تخلي حياتنا كي المهابل ما عارفين رجلينا من يدينا... تخطف ناس عزيزة بزاف.... ليوم نشوفهم وغدوة نلقاوهم تحت التراب... موت زينب لي خلى تميم جثة بلا روح... لا حياة ولا ضحك ولا فرح... بعد ما كسرتلو قلبه لي عشقها... زادت ماتت واستسلمت لأول حاجز.... خلات ولادها يتعذبو من بعدها.... من ورا هاد الشي كامل عرفو بحكاية تميم.... امه لي تشوف في ولدها يموت قدامها ومقادرة دير والو.... جامي تخيلت انه ولدها يتحطم كيما هكدا.... عياو معاه.... حتى بنت خته لي جابوها مشافهاش... كريم لي كل يوم يجي يحب يهدر معاه ويواسيه مقبلش يشوفو... حالتو اسوء من الميت....

.... حاطط تصويرتها قدامو ويتكيف... عشر قاروات في بيته.... شعره مخبل... عروق يدو بارزة... قريب ربعين مساج من عند كريم وإيمان.....

.... كانت ايمان في الجبانة بالضبط قرب قبر زينب....جواد برا وهي دخلت...

.. قعدت على الحافة تعها وتقيس في التراب بيدها وتتبسم باستهزاء...

"... مكنتش عارفة انو يجي نهار و نكون قدام قبرك زينب.... تعرفي حاجة تمنيت لوكان قتلتك انا ممكن غليلي منك وكرهي ليك يشفي اما لعبتي دور البطولة وخليتي تميم ليك للأبد.... وش استفدتي.... قولي؟؟؟ علابلك بنو عندو شهر ميحكيش معايا.... ميحكي مع حتى واحد.... هجر عايلتو... مو ختو... صحابه وخدمته... غير بش يقعد مع تصوريتك في بيته.... حتى ونتي ميتة قلبه مزال تاعك... حاولت انه نتقرب منه.... حاولت انه نخليه يحبني.... أما عينيه جامي راح يشوفه خلافك..... نكرهك زينب.... نكرهك اكتر من اي شخص في حياتي.. وراح نقعد نزورك بش نحكيلك وش صرا معايا... راح نخليك تموتي الف مرة كي تعرفي انه تميم ولا ليا... طول عمرو مكتب ليا ومزال لدرك ليا... "

... خرجت من الجبانة... مبتسمة وروحت للدار كان باباها ومها في انتظارها...قعدت في البونك وتشوف في ملامحهم الغاضبة..

"... لمى حوايجك وهيا... معندك ما ديري هنايا... قعدتي مدة كافية.... لازم ترجعي لخدمتك في الجيش... وراح تعيشي حياتك بعيد على هدا تميم.... "
.. بقات محافظة على نفس الابتسامة البارد ة وتشوف معاهم.

"... هههههههه?"momy are you serious"

".... وي... جاكي بلاغ انه راح تتفصلي نهائيا من العسكر... والقوانين صارمة لتما... راح يسرحوك من الخدمة...."

".. الخدمة منحبهاش واصلا جا في وقتو... حابة نستقر في بلادي.... ههههه كرهت الغربة.."

.... شاف معاها باباها وعينيه معمرين غش

".. ايمان ؟؟؟؟ علاه نتي مستهترة هكدا بزاف ؟؟ كيفاه تحطمي مستقبلك على واحد معندو حتى قيمة ولا خدمة... وزيد ميحبكش وداخل في علاقة مع مرأة متزوجة... لهاد الدرجة حياتك هاينة عليك... "

"... نحبه والدنيا تتحرق ميهمنيش... ديرو وش تحبو كبيرة ونعرف صلاحي... أنا طالعة نرقد.. ونتوما خدو راحتكم... "

"... ايمان..... راح نقفلو الكونت تاعك... خيرتي العيشة هنا راح تصرفي على روحك... بما فيهم الطموبيل والدار هادي... كلشي راح نديه.. "

".... هههههههههه dad... قتلك دير وش تحب من وكتاه مالف تشاورني... اصلا لقيت خدمة مليحة.... وفي لابوليس تاني متخافش... بنتك راح تولي مساعد شرطي..... حتى الخدمة متعبتش كي لقيتها.... نقعد في البيرو وخلاص..... "

.... طلعت وخلاهم يشوفو في بعضاهم... حايرين... التمرد لي ولا فيها صادمهم.. طول عمرها تسمع رأيهم وتدير وش يحبو اما درك ولات استقلالية وقوية.... أما من جيهة القلب ضعيفة وذليلة..... قلبها هو نقطة الضعف الوحيدة لي عندها.....

..... عدات ثلث شهور من الحادثة لي صرات...حوايج بزاف تبدلو.... اولها الخلاف لي بين تميم وكريم... والتوقع تاع السحارة صرا..
... شكون لي قال هادوك الخاوة راح يتعاركو..بعد ما قرأ رسالتها ليه بكا بزاف.... تخنق كتر وكتر.... كأنو كانت عارفة انه رح تموت... وكتبتلو برية حكاتلو حكايتها كلها... خلاتو يزيد يضعف كتر....