#smile
.... بقات تشوف فيه ساكتة... وهو من نظراتها ليه زاد توتر....منقولش انو جاهل وجامي دار علاقة من قبل اما هذا كامل كي كان صغير لانو مأمن انو الشي لي ديرو في بنات الناس رح يرجع في ختك.... للحظة قعد ساهي فيها ويدقق في ملامحها... هدوء رهيب عم على الغرفة لي قاعدين فيها......
عينيه قاعدين يدورو على وجها عينيها ونظرتها الثابتة والواثقة... صوابعها لي تطرطق بيهم الكرسي... شوافرها لي طالعين... كلشي غريب وجاذب فيها...
فاق على روحو... المرأة بقا شوية ويعريها... ههه استغفر ربي ونطق
"... نقدر نروح درك... ؟"
وقفت قدامو... بان فرق طول بيناتهم بسيط..
"... وي تقدر تروح وكي نسحقك رح نعيطلك..
اما عندك ما تردش لانو منحبش نستنى بزاف......"
قبل ما يحل الباب شاف معاها متبسم
"... زعما علاه مخميتيش انو انا متزوج ولا خاطب... مخميتيش انو عندي مرأة في حياتي تقدري تخربي دارها.... ؟؟؟"
مسحت شاربها التحتاني بيدها وركزت معاه مبتسمة...
"... نو مخميتش ومش حابة نخمم... لانو واحد كيما انت باين تخاف من الحب ومعندكش الجرأة بش تدخل في علاقة... تعرف حاجة قلبك حنين بزاف لدرجة نقدر نكسرو بكلمة مني انا فهاد الدقيقة....سَو... خيرتك انت.... "
"... نعتبرها مجاملة ولا نو... هههه؟؟ سور نتي من جماعة الفلسفة تع الجامعة لي يقعدو مع اللول... تهدرو بزاف وجامي نفهم عليكم... "
جبدت باطة من جيبها تحت عينيه... هزت قارو صغير وشعلتو... تحت انظارو المصدومة..
حاس روحو هو المرأة مش هي....
شعلت القارو ونفخت عليه...قربتوهولو هزلها براسو لالا...
".. اعتبرها كيما حبيت... وبش نقولك انا قارية سياسة.... مانيش فلسفة.... اوكي... "
"... تتكيفي ؟؟؟...علابلك نتي الحلال والحرام اون بارسون... ساعات نحسك متدينة... وساعات تباني من جماعة البنات هادوك..."
تبسمت تحت وجها من هدرتو وخرجت مخليتو لتما.....حاير في هاد المخلوقة ومنين جات... اول مرة يتلاقى بعبد عندو انفصام في الشخصية كيما زينب... باردة لدرجة تخليك تحس بالخوف والرعشة قدامها... هدا يدو على وجهو وخرج مخليين بداية قصة بيناتهم نقدرو نسميوها الحب المحرم والمستحيل...
نروحو لجيهة خلاف وتحديدا في دار كريم... لي قاعد مع خوه ويحكيو ويقصرو عادي... دخلت سمية مرت باباه متبسمة....والخبث مقطر من عينيها.... متعطيهاش عمر الربعين لانو متهلية بزاف في روحها... كلشي من دراهم السي راجلها.... عضت على شواربها وتشوف في الزين لي قدامها... كل واحد اشب من التاني اما طول عمرها يعجبها كريم... مولا السبعة والعشرين... بنيتو و ملامحو الرجولية حتى صمتو وسكاتو يخليه فعينيها مثير للاهتمام وعندو كاريزما... عدلت شعرها على جيه وقعدت مقابلتهم ويدها فالتليفون تبربش فيه... وساعه على ساعة ترمي يديها لاغوب تاعها مش طلعا زعما وتغريه وتلفت انتباهو...
وهو ولا علابالو بيها... معطاهاش نص شوفة من عندو
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)