smile [مكتملة]

الحلقة 88

..... كان كريم راح يطرطق من الغش... صاحبه ميردش عليه... محكا معاه....شاف معاه.. يهدر بيديه بزربة من القلق
".... أنت واش حاسب روحك..؟؟ وشبيك وليت ما تردش عليا.... هان عليك كلشي.. علاه مقلتليش انه انت تحب وحدة.... علاه خبيت عليا وش في قلبك.... لدرجة هادي تعتبرني غريب عليك.... ؟؟"

... تميم مكانش واعي لواش يهدر... عقلو غايب وبسيف قاعد يستوعب وش راه يهدر.. شاف معاه وطرشق بالضحك...
".... من وكتاه انت لاتي بيا اصلا؟؟؟؟ روح عند ههههه عند حنان مرتك وخليني نموت هنايا... لازم انت هو لي يحتاج المعاونة دايما وانا لازم نكون البطل اللي يعاونك... هههه"

.... بعد عليه وطيشو من الكول... خبطو بدبزة في وجهو خلى خشمو يحمار ويسيح منه الدم......

".... زيد اضرب هههههه اضربو كامل... واحد يضرب في قلبي ولوخر في وجهي... ولا مهامنني والو... كرهت كلشي.... كرهتك انت كرهت زينب.... كرهت يما... كامل نكرهكم... نتوما لي بعدتوني عليها...كنت رايح تجي تسبني وتقول مرت راجل... أنت عشت الحب ومتزوج هاني مع لي تحبها اما انا واحد ما راح يلتى بيا..... خطرتين نحب وفي المرتين نتعذب ونتجرح.... لولة كانتتتت حلم جميل........ كانت أول حب وإعجاب صغر... والثانية محرمة عليا..... ههههههه ولازم نكون المضحي في كل مرة.... "

... كريم مصدوم في صاحبه.... يعني طول هاد المدة وهو مخبي عليه ويضحك معاه... ويغطي على همومه ومشاكله... وجامي قالو... طول عمره يضحك وفرحان اما جامي بينلو انه هو مقيوس لهاد الدرجة... جامي هدر انه حب.... وزيد مرتين...

"... شكون هي لي حبيتها لولة؟؟ علاه معترفتلهاش.... ؟؟؟"

"..... ههههههههه كيفاه نعترفلها وهي اصلا متعرفنيش..... هي تشوف وتحب وتعشق واحد خلاف...... قولي كيفاه؟؟؟؟"

..... في لحظة كان راح يعترف بكلشي من البداية..... راح يقوله انه هو حب حنان..... أما كي رجع لرشده في آخر دقيقة.... كان راح يفضح حاجة راح توصلو لحاجة مش مليحة.. شاف معاه كريم ودارلو بيدو

".... انسى كلشي بيناتنا.... عرفت قيمتي عندك يا سي تميم... "

.... خرج مخليه في البيت واقف.... تنهد بيأس وقعد..... كلشي تقلب.... حتى صاحبه وخسره.... ملقا حتى واحد يشفيلو قلبو ويقوله راك مليح... راح تشفى....

Back ✨

.... مغمض عينيه يتنفس بصوت هادي.. صح الجرح مزال عميق اما لازم يصلح اخطاؤه بحق الملايكة هادو.... ولاد صغار معندهم حتى ذنب بين ليلة ونهار باباهم دخل الحبس وحكمو عليه بالسجن مدى الحياة..... ومهم لي غطاها التراب والناس ولات تهدر فيها انه كانت مش شريفة وعاهرة........ هو عندو ذنب في موتها.... ولازم يكفر على ذنبه....

... ركبت قدامه وتشوف فيه... قعدت مشوكية كي عيطلها وقالها بنو يسحقها وحاب يشوفها..... من الفرحة قريب نسات صباطها.. لبست وعدلت بزربة وهبطت عنده...

".... تميم راك مليح درك؟؟؟"
"... وي مليح ايمان... متخافيش كلشي مليح وحاس روحي لأول مرة مرتاح لحاجة رايحة نديرها بلا ذنب ولا تخمام.... ايمان علابالي معندناش بزاف ملي تلاقينا.... و منعرفوش بعضانا مليح اما نقولك انه ما عندي غير نتيا تعاونني بش ندير حاجة مهمة بزاف ليا... "

.... كأنو عينيها يبرقو وهي تشوف فيه يهدر معاها بهاد العمق والثقة... نسات فكرة انه ممكن يعتبرها مجرد وسيلة للنسيان..... أما غمضت عقلها وخلات الحب هو لي يسيرها..تبسمت معاه ونطقت بلا ما تحس..

"... هيه قابلة.... اي حاجة حابها راح نعاونك فيها تميم.... "