#smile
.... مشات بخطوات غير متوازنة تثبت انو هاد العبدة مش سوية عقليا... تحسها كي البحر...سطحها وملامحها هادية اما في الاعماق عالم ثاني... هازة الموس وتمروح على روحها... لقات جواد برا وليلى مربوطة في كرسي حاطينها في الصالون... تبسمت معاه وقالتلو يخليهم وحدهم... صراحة من وجهو تعرفو خايف على ليلى بزاف.... أما الأوامر تنفذ هادي هي...
... نحات الطرف من عينيها... وشافت معاها..
"... ششش شكون نتيا.. ؟؟ وعلاه جايبني هنايا... أنا مدرت والو..."
عدات يدها على شعرها وتجبد فيه...
".. شعرك شباب بزاف ورطب... متستاهليش يكون ليك..."
بقات تدز في الكرسي تحاول تحل الرباط اما مقدرتش... وإيمان تدور عليها..
"... علابلك علاه جبتك هنايا... هههه نقولك معليش...؟؟ "
"... جامي شفتك في حياتي كاملة واش تحوسي.. كي شغل بقالي غير لي بسيكوبات.. اطلقيني ولا اقسم بالله نشكي بيك نتي والغوريلا تاعك... "
طلقت ضحكة طويلة خلاتها مستغربة منها.. شكون هادي البنت.. من قشها وحوايجها متبانش من هنا...
".. ههههه ليلى ليلى... بيبي علاه تزربي.. ههه نحكيلك حكاية وانا نحيلك شعرك.. عجبني نديرو بيروك خطرة خلاف.. "
لوخرى حلت عينيها مفجوعة... ولات ترجف.. شبحتلها الحبل وزادت سدتلها فمها...
".. اصبري عليا شوية نجيب الطوندوز... ههه"
طلعت تسوطي برجليها فرحانة.. حاسة بالفخر انو رايحة تنتقملو من هاد اللفعة الصفرا..
"... هاني جبتها عندك تتحركي ولا تفسد التحفيفة.. قالك مالا طفلة صغيرة عمرها 12 سنة باباها ومها يحبوها بزاف وهي تاني... خوافة وتحشم من ظلها وتتخبى من الناس بزاف..... هههههه مالا باباها بدلها لسيام فيه لولاد مش من طبقتها... حاب يخليها تتبدل وتولي قاوية مع ولاد الحومة.... أما مكانش علابالو بنو هو دمرها... لقات تنمر كبير منهم... كل ليلة تروح تبكي للدار وتضرب روحها... حتى جا النهار وين تلاقات ملاكها ههه كان أكبر منها باربع سنين... ويقرا فليسي... في كل مرة يضحكو عليها يجي يعاونها... و يعيطلها موسطاشة ... وزاد دمودنداها تولي صاحبتو في عيد الحب.... متقدريش تسخايلي الفرحة لي في قلبها... خرجها من معاناة كبيرة وولا هو فارس الأحلام.... "
هبطت راسها لقاتها تبكي وهي تشوف في شعرها يطيح... ضحكت ومسحت على رأسها
"... متخافيش كي تخرجي منا نمدلك زيت مليح للشعر ضرية ضربة.... ههههههه نكملو الحكاية.. َ... ولات تشوفو العالم كامل.. تقدسو لدرجة الهيام... هههه وداتلو اول بوسة ليه في عيد الحب.... "
في لحظة تبدلو ملامحها من السعادة إلى البؤس... سهات في نقطة وهي تعدي في الطوندوز على رأسها...
"... ومبعد هداك الطفل تفارق معاها وخلاها... و باباها كي فاق بيها بدلها السيام ونتقلو للماريكان.... في رأيك نساتو؟؟ صح حب مراهقة اما مقدرتش تنساه... تبعتو في كل خطوة من حياتو... علابلها بكلشي عليه... وش يلبس واش ياكل... واش يحب... هههه حتى لون بوكساراتو تعرفهم ححححح ههههه ودرك الطفلة كبرت ورجعتلو... خلصت الحكاية.. عجبتك.... اولالا oh my God... وليتي تهبلي ليلى... اصبري نكملو اللوك بالحواجب... "
.... مرت ساعتين وهي تعجب فيها.. الحاصول خلاتها تشوف اسوء عذاب... شوهتها جسديا.. ونفسيا... قتلتها بالعرق... كي دخل جواد عليهم
... حل فمو من الصدمة مقدرش يسخايل المنظر هدا....
... ليلى فرطاسة... شعرة ما تتسعى عليها.؛ حواجبها مكانش.. يديها زرقين وفمها مخيط بالخيط...
... راح يجري يفك فيها... الطفلة داخت من قوة التعذيب... لقاها تاكل فالبنان ومقابلتها في البونك شابعة ضحك...لقاتو يخنزر فيها جمعت ابتسامتها بسيف
"... جواد متزعفش هههه والله معذبتها بزاف.. واصلا مكانش ندبات... شهرين وهي رجعت كيما كانت وعندك تنسى تشريلها زيت اللوز هههه مفيد للشعر بش ينوض ليه ليه..."
طلعت لبيتها تتمايل وتغني في غنايتها المفضلة... Sweet but scyco... وطاحت رقدت متمنية لتصويرتو لي قدامها ليلة سعيدة....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)