#smile
.... في جيهة خلاف...قاعدة في الكرسي طالقة شعرها وزينها زاد رونق.... الحب خلاها تشع وتتبدل وتعيش بشخصية جديدة.... زواجها بتميم بدل حياتها ولقات روحها بدور زوجة وأم في نفس الوقت وهي مزالت صغيرة... أما كي طلب منها انها تقبل تتزوجه بش يقدر يتبنى ولاد زينب وافقت بدون ما تحس... هي مش شريرة.... صح تكره زينب اما ولادها معندهم حتى ذنب في الكره هدا.... هي مهووسة اما قلبها طيب وابيض.... هدا هو لي خلاها هي الشخصية المختارة لتميم... ما يتزاوجو غير لي يتشابهو.... كانت مقابلتها هديل لي كبرت.... ملامحها توضحت حتى أنوثتها وعقلها زاد كبر بزاف.... موت ماماها أثر فيها... خلاها تلوم روحها وترجع للشخصية المظلمة.... أما ممكن انه ايمان كانتلها الملاك الطاهر لي عاونتها... بالرغم انه مزالت بعيدة نوعا ما على تميم خصوصا كي عرفت حكاية مها معاه.... القات الذنب عليه كله و بمساعدة ايمان قدرت تدخل للمدرسة الداخلية بش تقرأ بعيدة على تميم... وبعيدة على المشاكل..
".... هديل علاه قصيتي شعرك هكدا... كان شباب وهو طويل..."
... شافت معاها ودورت وجها..
"... جيست حبيت نبدل اللوك برك... براء صفا... ؟جايب روحه مع القراية...."
"... وي مليح... خوك عبقري بزاف... أساتذة تاعه متأملين منه حاجة كبيرة.... مزلتي مش مقررة ترجعي تعيشي معانا... صراحة حاسة روحي في الحبس هنايا.... كيفاه راكي حاملة.."
"... نو اصلا والفت عادي.. وماهيش بهداك السوء... الجو هنايا والهدوء هو لي نحبه... اي حاجة تفكرني بالماضي مش حابة نتفكرها..."
"...قصدك تميم... ؟؟؟ حاب يجي يشوفك دايما اما خايف من ردة فعلك.... حاولي تنساي هديل.... صح حاجة صعيبة اما حاولي... تميم بالو مشغول من جيهتك بزاف..... أنا منعطيهش الحق الكامل اما حبيت نقولك انه هو يحبك كي بنته... نتي وخوك حاجة مهمة ليه بزاف.. "
".... ممكن ننسى.... نتي قدرتي تنساي انه هو يحب ماما... ؟؟؟ "
.... غمضت عينيها مخلية الريح تدي شعرها
".... ههههههه مزلت نكره مك للأسف لحد الساعة.... ممكن شفيت جروحه السطحية اما ندوب الماضي مزالت كاينة.... راح يجي نهار يحبني بالكامل انا متأكدة لمهم كاين أمل والباقي يجي.... "
... قدمت ليها غنقتها بحنان وضحكت
"... جبتلك كادو... علابالي راح يعجبك..."
... مدتلها باطة كبيرة مغلفة... بقات تقلب فيها بعينيها وتشوف فيها فرحانة...
"... هههه بصح عيد ميلادي مزالو بزاف... "
"...لا هادا كادو برك مش شرط تكون مناسبة ليه... "
... حلتها بزربة تشوف واش فيها لقاتها غيتارة كبيرة كحلة وفيها نقشة أنثوية خلاتها تتبسم باتساع وتحضن ايمان بقوة....
"... ههههه شابة بزاف.. بصح شكون لي قالك بنو حابة نشريها... "
"... علابالي بيك تحبي الغناء والموسيقى.. جبتهالك... أنا درك نروح درك يروح تميم وميلقاش الماكلة ياكلني انا ههههه "
"... روحي مالا... باي باي و سلمي على براء.."
... مشات شوية وسمعت هديل تعيط
"... قولي لتميم شكرا على الكادو بزاف... " وغمزتها... عرفتها فاقت هو لي شراه... خاف انه متقبلوش و قالها لايمان... هزتلها براسها وخلاتها تضحك...
... دخلت للدار لي كانت فيلا صغيرة تعب تميم عليها بش يشريها ويخدمها بزاف... دار بسيطة وانيقة يغلب عليها الهدوء والراحة... لقات فطوم قاعدة تسبح و عينها مغمضة... دايما ترقد بالقاعدة.... عدتلها وغطاتها وطلعت بدلت حوايجها..
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)