#smile
... من لي خرج من عندها و الحكاية متنحاتش من بالو... حاسس بالمغامرة والحماس فهاد اللعبة...علابالو انو يلعب بالنار اما كل ما يخمم فيها يقول علاه منجربش وندخل... ومبعد ضميرو يستفيق ويقولو راك تغلط وشيطان زينب لي ساكن مخو يقولو متخافش.... راهي غير لعبة وتمثيل ومش رايحة تآذيك...
.... لا راك غالط موسيو تميم... هاد الحكاية رح تخلي ابتسامتك البريئة ونيتك الساذجة تختفي.... رح تخليك تتمنى العذاب والموت الف مرة.... من درك راح تغيضني بزاف...
عدات سمانة على الشخصيات... كل واحد وينا عالم راهو عايش....
حلت عينيها لقاتو قدامها راقد... مسحت وجها وناضت... كل دقيقة راهي تعيشها معاه تحسها جحيم... أما كل ما تنوض وتلقاه قدامها تحس بالراحة... ماهيش فاهمة وش تحوس... توفيق لي ضربها لي قتلها ولدها... لي خانها مع أستاذة ولدها.... هو نفسو لي راهي تحارب وحابة ترجعو ليها كيما كان.... هي بعد مش عارفة وش قاعدة تدير.... لمت شعرها وناضت دوشت و راحت لبيت براء لقاتو راقد والغطا طايح.... غطاتو مليح وباستو... بحكم اليوم عطلة ميقراوش... من درك تأنيب الضمير ياكل فيها... وولادها السبب... اصلا هي صابرة ومتحملة غير على جالهم لأنهم ميستاهلوش يعيشو في أسرة مفككة... رباتهم على أنهم عايلة مثالية... و محبتش تفسد صورة باباهم في وجوهم.... حتى كي كانت تتضرب وتتعذب تكتم شهقاتها بش ميسمعوش..... هدا كامل يخليها ام مثالية بالنسبة ليا....
.. دخلت لبيت هديل... هاد الطفلة الصغيرة لي طول عمرها معقدة وشخصية صعيبة بزاف... كبيرة على عمرها وتحكي معاك على اساس هدا.... لمت القش لي كان مطايش وقعدت على الكرسي لي مقابلها... مش فاهمة علاه هدا التغير لي صرا في شخصيتها... يعني اي طفلة في عمرها مش رايحة تكون بهاد النضوج والقسوة..... مسحت على شعرها وباستها... بنتها وفرحتها لولة... صح ظروف كي جابتها كانت قاسية اما حاربتهم كامل بش تخليها تعيش وتكبر وتكون كيما راهي درك...
ناضت من الكرسي وجات خارجة... شافت ورق مطايشين فالجيهة التانية من السرير... هزتهم... وبدأت تقرأ في واش مكتوب...
"... هداك الاستاذ اليوم قالي بنو انا بغلة ومنعرفش نقرا...."
"... يوم السبت صحاباتي لي يقراو معايا سبوني وقالولي انو انا ضعيفة بزاف... لازم نعدل لاطاي......"
".... سامي صب عليا الما تع التولات... وكامل ناضو يضحكو عليا......
...... نكرهم كامل نكره الاستاذة والولاد والعساس والمديرة..... نكرهكم كامل وحابة نخنقكم ونقتلكم ونضربكم كيما يضرب بابا ماما...... بابا قاوي بزاف يخلي ماما تركع كي الكلبة قدامو..... هههههه.. أنا لازم نولي كيفو...
....تعرفت على بنت اسمها وصال... عمرها ربعتاش.... الناس كامل يحبوها حابة نولي كيفها.....
.... هههههه ليوم ضربت طفل صغير كان قدام السيام.... ناض يبكي... حسيت روحي انا القاوية كامل فهاد العالم...
.... ملازمش نكون كيما ماما لازم نكون كيما بابا....
كلمات وسطورا والورق مزالو معمرين.... زينب مزالت تحت تأثير الصدمة... مش مأمنة انو بنتها كاتبة هدرة مختلين كيما هادين.... يعني هديل العاقلة تقدر تخمم بالشر هدا....هديل تتعرض للتمنر..... هديل يضربوها... هديل تحب العذاب...
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)