#smile
.... هبطت من الطموبيل خلات جواد يستغرب منها...
"... مودموزال وين رايحة؟؟"
... نحات النواظر وتبسمت ابتسامتها المجنونة
"... رايحة عندو... مانيش قادرة نستحمل انو بيناتنا هادي الأمتار ومنقدرش نقعد معاه... أنا من واجبي نعاونو.؛ حالتو مش عاجبتني.."
"... بصح لوكان يعرفك..؟؟"
".. هههه مش رايح يعرفني... درك تشوف التمثيل.... وكيما قتلك هاديك ليلى تجيبهالي نلعبو معاها شوية... توحشت نلعب ههه "
هزلها براسو... تمشات بخطى معوجة تبان سكرانة ولا زاطلة... اصلا كي تشوفها تعرف انو هاد المرأة مش نورمال.... هادي المرأة مريضة بالحب... وصلت لمراحل خلات كلشي مباح عندها.. ميهمها حتى حاجة...
.... قربت ليه وقعدت بعيدة شوية واكتيفات مود البكا... ورمات روحها على الرمل.. حبت تلفت انتباهو باي حركة ديرها...
... مع هو ساهي مشافش معاها.. حتى حس بحركة قدامو.. دور لقا طفلة جات من العدم.. جنية ولا جن استغفر الله.... خلعتو.. وزاد شاف حالتها تبان مدروغية ولا سكرانة...
... استجمع شجاعتو ونطق بصوت خايف
"... مدددام نتي مليحة ؟؟؟"
صوتو كي البلسم على جروحها... اه يا تميم وش درت فيها... كيفاه خليتها تعشق تراب لي تمشي عليه... كيفاه خليتها تنوض وترقد على تصويرتك.... يا ريتك حبيتها..راح تمدلك كلشي بلا مقابل
مردتش عليه وبقات مغمضة عينيها... تقدرو تتخيلو صبر وعذاب عوام... معلابالوش بنو هادي لي قدامو... هي نفسها لي دات بوستو لولة... لي كانت كل يوم تروح تسناه... لي كانت في كل مناسبة تشريلو كادو بالدرڨة عليه وتمدهولو بلا ما يفيق.... هادي ايمان لي كان يعيطلها الموسطاشة... يتمسخر بيها وفي نفس الوقت كان يحامي عليها... اعتبرها اخت ولا زميلة تتعرض للتنمر... مكانش علابالو بنو ضحكتو ترد فيها الحياة.... معلابالوش بنو دارها وبيتها معمرة بريحتو.... و تصاورو معلقين في كل جزء من حياتها....
"... راكي مليحة ؟؟" عاود سقساها كي شاف لا مجيب.. قرب بش يشوف وشبيها...وجها ميبانش مليح في الضلمة... أما ريحتها تشبه للريحة لي يديرها... قرب يدو بوجها اذا راهي تتنفس... وهي تقدرو تقولو داخت... قلبها ينبض ميتين فالألف....
من الخلعة لي جاتها والمشاعر... تقعدت طول وترد فالنفو... بعد عليها خلاها تتنفس
"... راكي مليحة؟؟ نديك للسبيطار... ؟؟"
"... لا راني مليحة جيست مخنوقة برك.."
دورت وشافت معاه واخيرا تلاقات عينيهم... هي مفتونة بيه وهو كان مستغرب من ملامحها... من ريحة الرجال لي مدايرتها... بلا ما تفيق لواش راهي دير... حطت يدها تعدي فيها على وجهو.....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)