#smile
... خرج الصباح مزروب على غير العادة.. حاسس بالحيرة...قرر انو اليوم يحكي معاها.... قلبو معمر.... حاب يلقى واحد يفرغلو... واحد يفهمو....مزال في صراع مشاعر كبيرة...
مشا هايم في الطريق... وعينيه يراقبو في الرايح والجاي... عيط فالتيفون ليها... اول وحدة جات في بالو..
".... الو..... وي تتت تميم ؟؟؟"
... صوتها جاه في شكل حنين مختلف عن لي مالف يسمعو... او نقدرو نقولو بنو اول مرة يدقق في نبرة ورنة صوتها المميزة.. صوت رقيق مع بحة انثوية.... يخليك متقلقش منو..
"... راك تسمع فيا..؟؟"
"...ااااا وي اني نسمع... وينا ايكول تقرأ فيها هديل؟؟؟ "
استغربت من سؤالو ونطقت
"... علاه تحوس عليها؟؟؟"
"... قولي برك كيفاه اسمها وين بلاصة.؟"
قالتلو اسمها... كوبا عليها طول وركب طاكسي رايح عندها...
كانت هي مع هديل في المدرسة تاعها.. مكانتش تعرف انو بنتها موهوبة ولا انو بنتها عندها صوت حلو ومليح للغنا... اول مرة تعرف حاجة على بنتها... جاتها طيحة كيفاه شيوخا يهدرو على بنتها حوايج هي متعرفهمش عليها.... يعني للأسف وصلت العلاقة بيناتهم والإهمال إلى هاد النتيجة...
خرجو حكمتلها يدها وتبسمت
"... هديل نحبك..."
طلعت عينيها معاها وتبسمت.. اول مرة تحس انو عندها ام مهتمة بيها ولا تحبها... هبطو دموع من عيونها وحضنت مها بقوة خايفة انو هاد الحضن الحنين والرقة تروح وترجع للعنف والنبذ من. جديد...
دواها كان عند مها... ساعات نخليو وش قدامنا ونوليو نحوسو على حلول... و فالاخير نعرفو انو الحل كان قدامنا وكنا عميان..
في هاديك اللحظة دخل هو للمدرسة... كانت راقية وفخمة وباينة مخصصة الاغنياء ولي لباس عليهم...
بقا يحوس عليها بلاك يلمحها.. حتى لقاها حاكمة بنتها وتضحك معاها.... كل ما تضحك ولا يظهرو علامات الفرح على وجها... قلبو يولي يسوطي... يعني هدا هو الحب؟؟؟. مالا وشنو هي المشاعر لي كان يحسها لجيهة حنان.. يعني هو مكانش يحبها... ؟؟؟.... زينب مختلفة.... ؟؟.
طلعت عيونها شافتو واقف وتايه فيها.. استغربت من مجيتو الغريبة هادي... وخافت كشما يشوفو ولا يتوسوسولها...
مشات خطوات ثابتة اما داخلها مزعزع... وشبيها وش صرالها... تنهدت بعمق وزيرت على بنتها... لهاد الدرجة ولا يأثر فيها...
اصطنعت الابتسامة ونطقت..
"... هديل نروحو للبارك بعد ما نجيبو براء من الكراش..."
"... اوكي ماما..."
سمعت صوتو من وراها بعد ما تخطاتو...صوتو يرجف وباين عليه العذاب والحزن...
"... زينب نقدرو نحكيو...تعيشي..؟؟؟"
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)