#smile
.... ساعات القلب يقودنا لمواضع مش لازم نوصلولهم... يخلي عينينا مغمضين ومغشيين عن الحقيقة المرة والغلطة لي رايحين نديروها... تميم وزينب الكوبل المكروه في الكرونيك... آرائكم عليهم متناقضة وفي نفس الوقت منطقية تخلي حرارة اللقاء بيناتهم اكبر... لازم درك نغمضو عينينا انهم يديرو في الحرام او في علاقة متجوزش ونتعمقو في مشاعر الحب الصادقة المميزة لي تولدت من الصداقة المحرمة..... ورايحة تتحول العشق المحرم....
... ركبت طاكسي مش قادرة تخاطر كتر اما قلبها يقلها ولو مرة عيشي لروحك... أنساي شكون نتيا... أنساي بنك مش من حقك تفرحي... أنساي ولادك حياتك عذابك واسمعي لالحان الحب المخملية لي قاعدة تدق لمهرج مجنون خلاك تحبي ضحكتك وتحبيه هو تاني.....
.... كان اوتال بعيد شوية وفارغ.... مفيهش الغاشي حتى في الاستقبال... سقسات على بيتو حاشمة من الموقف هدا لي تحطت فيه... طلعت فلاسونسور وقلبها تحس بيه راح يطيح.... بقات تحوس على البيت 137... وصلت قدامها و دقت ويدها ترجف... مكانش مجيب... قريب نص ساعة وهي واقفة تطبطب.... واحد ما حللها... جات راجعة منين جات حتى سمعت الباب تحل وهو واقف ساند عليه.... عينيه منفوخين ووجهو حمر والعرق يصب منو.... حل عينيه وتبسم
".... ههههه راني هبلت يا ناس وليت نشوفها في البيت قدامي..."
"... وشبيها حالتك هكا نتا؟؟؟؟"
دزتو ودخلت حطت يدها لقات وجهو شاعل بالسخانة.... حطتو فوق السرير وهو مزال مش فاطن مليح.... لقات دوا تع السخانة في ساكها تحطو في حالة مرض واحد من لولاد....
... جابت كأس وحطتلو في فمو وبلعو بسيف
"... شكون نتيا ؟؟؟ مرانيش نشوف هههه هادي ريحة زينوبتي الغولة....."
"... نتا الغول... قدك قد روحك مزلت تستهر بصحتك... علاه مرحتش لداركم ولا السبيطار.. قاعد وحدك هنا تموت وميفيقولكش..."
قعدها قدامو في السرير الصغير وحط راسو في حجرها تحت صدمتها من هاد التصرفات... بعدتو عليها وهو زاد زير عليها...
"... متبعدينيش عليك مهما يصرا.. حاب نموت في حضنك نتيا وبس ههههه "
لف يدو على خصرها ودفن راسو فيه... تجمد كلشي فيها... طول عمرها جامي حست بهاد الكم من المشاعر الهائلة.... الحنان.. الحب.. الاهتمام.. والفت العطاء لدرجة نسيان كيفية الأخذ... حطت يدها على شعرو تعدي فيه بشوية.... بقات هكداك وهو يزيد يقدم كتر ليها..... فرحان وغافل على الوعد لي قطعو لامو... غافل على الذنب لي راه يدير فيه... بالنسبة ليه هدا هو الجنة ومش حاب يخرج منها....
... عدات نصف ساعة وهي هكداك... ويدها تجوزها بشوية على وجهو وملامحو .... قاعدة تحاول تحفظ كلشي فيه.... لانو ماهيش ضامنة تقدر تشوفو مرة خلاف مع قرار الطلاق لي مزال مش باين نهايتو كيفاه...
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)