#smile
".... مكش قليل ظهرت هههه...."
حط راسو على الكرسي وغمض عينيه وتبسم
"... كنت نحب وحدة كانت تقرأ في نفس المنطقة باباها سلفي.... كانت مدايرة حجاب طويل وكانت شابة بزاف... كنت فالعام لول تع الجامعة وهي تقرأ فالليسي.... اول مرة شفتها عجبتني بزاف وحسيت بمشاعر غريبة اتجاهها
.... تأمني بنو كنت نحلم بيها ههههه موراها نقطعت أخبارها و اوهمت روحي انو نسيتها سنين موراها.... خطبتلي الوالدة وقبلت وقلت درك ننساها.... حاولت ومقدرتش.. كل ما نكبر تعشش في قلبي.... و الأسوء انو متعرفنيش خلاص وجامي درت جرأة بش نقرب ليها...
.... عدات سنين وتلاقيت بتوأم روحي كريم لي تعرفيه نتيا هههه هو أخرس ميهدرش.. كان كي الاخ ولا كتر..... ومبعد اعترفلي انو يحب وحدة وهي بنت خالتو.... علابلك انو يبكي عليها كل يوم..... فريمو مهووس بيها... أنا فرحتلو ودايما نشجعو.... وصدفة...عرضني عند خالتو ورحت بما انو عزيز عليا... شفتها ونظراتهم كانت فاضحتهم...... تعرفي كي شفت هادوك العينين.. قلبي حبس كانو اول مرة شفتها فيها....
.... مكنتش مامن الصدمة... هادي هي نفسها حبيبة كريم.... هههههه هي حبيبتو لي يحكيلي عليها.... هي لي عشقت فيها هادي سنين... ومن هداك النهار خبيت مشاعري وتجاهلتها.... تأمني انو البارح باسها... وبكا في حضنها... وانا قلبي تزير من الداخل وتشبح اما ضحكتلو وفرحتلو.... وقلت بفمي... ربي يهنيكم وانا شكون لي يهنيني... قولي.... شكون... حاسس اني راني نخون في صاحبي لي اتئمني على حبو وأسرار..... راني نخون فيه زينب....كل كلمة حب يقولها عليها.... نضحك وانا ربي لي حاسس بحالتي... أنا مش مليح انا عبد خاين...
وهدا لي خلاني نعاونك لانو صعيبة تحسي بالخيانة.... بلاك هدا يكفرلي على ذنبو... بلاك كي ترجعي لراجلك.... راح ينقص عذاب الضمير لي في قلبي......"
هدرة بزاف اما المعنى واحد.... زينب لي قلتو عليها حجرة وانانية... هي درك لي قاعدة جامدة ومصدومة قدامو.... اول مرة تحس بهاد الشعور..... حست هي لي في لعبة مش هو... هو لي كان يلعب بيها... ساعات الضحكة والمزاح الدايم مش معناه انو العبد هداك مرتاح ولا مهني... تأكدو انو راه يتعذب بصمت لداخل.... وهداك العبد هو من أطيب الناس لانو ميبنلكمش... تميم ضحا بكلشي على جال صاحبو ومزال معتبر الأمر خيانة.... وزينب لي ضاقت الخيانة.... المشترك هو انو في زوج يتعذبو من الحب... ألم و جرح الحب وقسوة الحب... فهمتو علاه يهرب من الحب... علاه خايف من انو يتكسر قلبو مرة خلاف.. هو يحس بالناس على هادي ميكسرش قلوب عباد خلاف.... هو يرمم القلوب المنكسرة بالحب والسعادة والأمل والابتسامة تاعو...
سكتت للحظات خلاتو يشوف معاها... وجها خالي من اي شعور ولا ردة فعل...
".... ههههه وشبيكي رايحة تتقياي... سمحيلي كذبت عليك شوية اما مش قصدي... أنت لي قاعدة تجرحي فيا لدرك... حاسبة روحك انو انت الوحيدة المضرورة فهاد الدنيا...." #smile
🎪
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)