"... اقعد هنايا حتى تجي المدام تحكي معاك.."
تبسم معاها وهزلها براسو موافق.. قعد فالصالون الكبير... حاسس بحاجة بيزار في الدار هادي...
قاعد يدعي في قلبو تطيرلو خدمة...
كانت هي فالبيت..
"...مدام او جا واحد وقالك حاب يحكي معاك فالسيجي تع الحفلة..."
"... يخي خلصنا... قوليلو يروح مانيش قادرة.. وقولو خيرنا قبيل كلشي.."
"... كيما تحبي مدام... درك نقولو.."
هبطت الخدامة عندو وهو كان متحمس اما امالو خيبتهالو...على الأقل لوكان قيمتو وهدرت معاه... مقلقتش روحها اصلا... خرج جار خيبات الأمل موراه... كان معتمد بزاف على قبولها....
كانت طل على البالكون وتجبد فنفس من القارو.. تريح اعصابها ومخها شوية.... شافتو خارج اما مشافتش وجهو.... فالعادة ماهيش من النوع لي يكون متكبر ولا متجاهل.....لكن لحظة هاديك كانت في مشاعر كئيبة بزاف..
طلع عينيه مع الفيلا... لمح خيال مرة ودخان خارج... استغفر وشهد.... هو راجل ميتكفش وين مرة...
"... هادو لي يخراو الدراهم كيفاه.... دقيقة استكبرتها عليا... يخي عباد... خسارة دراهم طاكسي وخسارة تعب برك...."
لا يا سي علاء مش خصارة.... لوكان تعرف وش رح يصرا معاك... رح تندم على النهار لي خممت تجي هنايا...
نبدلو الوجهة ونروحو عند سي كريم... حبيب القلب الصامت.... قاعد مع باباه فالقهوة ويعاون فيه... مع انو الدخل قليل منها اما لمهم مصروف حلال...
كي طلع راسك فوق شوية تلقا باطمة طل فيها وحدة... عينها خضر وشعرها صفر... شابة بزاف حاطة خمار ومدايرة نقاب على وجها.. تعس اذا تلمح خوها يقضيلها لانووالديها مكانش فالدار...
خرج من القهوة رايح عند تميم بش يتلاقاو.. لمحها قاعدة تطل... خنزر فيها بش تدخل.. وطلع عندها...طبطيب قاوي على الباب خلعها.. راحت تجري تحلو...
👥بلغة الإشارة 👥
".... ص صص صباح الخير كريم..."
"... وش تسحقي... علاه قاعدة طلي؟؟ و علابلك الرجال داخلين خارجين...."
فهمت غير نص الهدرة... هبطت عينيها حاشمة منو.. ونطقت بصوت رقيق...
"... ا سسسسس اسمحلي ككككك كريم.. كنت نحو ووو نحوس على عبدو بش يقضيلي.. ماما مكانش فالدار وابي رح للمسجد.... "
طلعها من راسها لرجليها... سمع حس رجلين فالدروج لقاه جارهم لي يسكن لفوق... غطاها بعرضو بش ميشوفهاش سناه حتى طلع وزاد بعد عليها مخليها حمرة طوماطيشة....
"... هاتي لاليست هنايا... ومتزيديش تطلي على الطاقة... "
هزتلو براسها وعاطتلو الورقة ترجف ومعاها دراهم... طيشلها الدراهم.. ومشا رايح وفي يدو الورقة....تبسم تبسيمة خفيفة... ودارلها بيدو...
"... ريحتك متزيديش تبدليها لانو نحب الياسمين كتر...."
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)