#smile
"... هو انا..... قصدي انا..."
شافت معاها مركزة عينيها عليها
"... وش كاين انطقي هديل... ؟؟؟"
"...هاكي الورقة شوفيها... حقروني ودارولي استدعاء على جال حاجة تافهة..."
"... استدعاء؟؟؟ من وكتاه نتيا يديرو لك استدعاء انطقي..."
نحاتلها الورقة من يدها وتقرى.. عنف وضرر جسدي مفهمت حتى حاجة صايرة هنايا... شافت معاها بصدمة
".... ضربتي الطفلة حليتيلها راسها؟؟؟؟ راكي سير نتي لي درتي هاد الشي...؟؟ "
".. ماما هي لي بدأت لولة اصلا جرح صغير مام هي ضربتني اما حصلو فيا كلشي... لهم لازم تروحي تهدري معاهم وتفكيها بلاما تقولي لبابا...."
".. هدييييييل راكي مليحة وشيا هدا لي رايك ديري فيه.... علاه وليتي هكدا.. قرايتك راحت...تبعي في بنات مش ملاح هبلتي؟؟؟ هادو الورق لي كتبتيهم.... لقيتهم عندك وبخط يدك... تعتبرني ضعيفة وتعتبري باباك قدوة ليك.... علاه متجيش تحكيلي...؟؟؟ علاه متقوليش نهدر لماما تفريلي ولا اي حاجة تصرا معاك.... علاه وصلتي لهبال هدا.... ؟؟؟؟ "
ناضت من قدامها وتشوف فالورق لي فيدها.. تاففت شغل كان ناقص مشكل خلاف درك..
"... ماهوش السيجي روحي احكي معاهم وخلاص.... هادو غير شعر كتبتو برك وخواطر.... "
"... هديل متهبلنيش.... شكون لي قاعد يعلم فيك هادو الحوايج... من درك أنساي صحابتك هادوك... وتولي تجي وتروحي مع الشوفور لا خرجات لا والو وتتلهاي بقرايتك فهمتي...؟؟؟"
نحات يدها من يد زينب وشافت معاها والدموع في عينيها...
"... ااااااا هههههه وشبيك هادة وين فقتي بنو عندك بنتك مريضة وتتعذب... وين كنتي كي كانو يضحكو عليا ويتمسخرو بيا... غشك كامل من الضرب تع راجلك تجي تضربيني انا... ساعة كف ساعة عصا.... هادا كامل تعلمتو منك نتيا... عمرك حوستي تعرفي وش بيا ولا انا علاه هكدا.... تعسي في توفيق وين راح وين جا وتدي العصا من عندو... وانا زايدة ناقصة... عمرك حبيتيني ولا لتيتي بيا.... "
"... كيفاه؟؟؟ انا جامي حبيتك... نتيا بنتي مهما صار رح نحبك بسيف عليا... انا تعذبت بش جبتك... حاولت انو نخليكم بعاد على مشاكلي انا وباباك...مزلتو صغار ومش رح تفهمو... "
هبطو دموع من عينين هديل وشافت بحزن مع مها...
"... بنتك ههههه بنتك... أنا بنت حرام... عرفت كلشي انا بنت حرام... بنت.... حراااااااااام.. نتي جبتيني غلطة ماما.... أنا غلططططططة... هئ هئ هئ هئ...... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)