#smile
.... عداو خمس سنين بالضبظ.... خمس سنين كانو كي الريح الخفيفة الهادية لي تجينا.... كانت كي الدقايق واللحظات لي تبدل في الإنسان أمور بزاف.... خمس سنين تدمر ناس وتفرح ناس وتبدل حياة ناس.... وهدا هو مبدأ الحياة.... دوام الحال من المحال....
".... أروى يا بغلة ارواحي هنايا.... شكون لي سيح الزيت في تحت السرير وخباها بالليزار تاعه.... ؟؟؟؟"
"... ماما خليني هئ هئ هئ... وثبيك وثبيك..
.. دايما تضربيني.... أنا كلهت كلهت هاد الحياة...افف افف.."
... ميلود قاعد يضحك في الشوكة و يتفرج في التلفزيون يسمع في المناقشة الجادة تع مرته وبنته.... زبيدة كاش نهار تهبل وولادها هما السبة.... واحد فيهم ما خارج عاقل ولا رزين... كامل تع خدايم وهدات كبار...دورت ليه لقاته يضحك من تحت لتحت
"... اضحك زيد كشر على سنيك... هادي هي العشرة معاك... واحد من ولادك ما يصلح... لا تربية لا قراية والزين الله يبارك قاعدين كي فيقورتك بعدا... تسما خلات عليا انا...."
"... ههههههه بنتك تشبهلك زوزو حبيبة... ولوخرين تاني... تسما لكان تعايري شوفي الفيقورة لي عندك.... "
... بعد ساعتين من المشاحنة والفروطورار والنشافة....والغسيل والامو والسبان في هرموناتها وفيقورة راجلها.... قعدت قدامو تريح في روحها ورجليها... حطت راسها على كتفه وساكتة
"... هههههه ودرك راكي مليحة... خلصتي من الزن تاعك... ؟؟"
"... وي خلصت... بنتك هادي مفهمتش ليمن خارجة... رسيم ووسيم مكانوش قد هكدا في المشاكل والتبربيش... متجي تكبر حتى تشيطني معاها...."
"... هههه دايما تقولي هكدا وفليل تديلي بلاصتي وترقديها قدامك وتقوليلي ارقد في الصالون... متنكريش انه هي كلشي في الدار.. "
.. شافت معاه وضحكت
"... وي تقعد بنتي وانا لي جبتها... اهيه يا دنيا كبرنا بزاف... ناضلك الشيب يا الميلود هههه "
"... انا؟؟ ايا مشي تلعبي قالك الشيب... مزلت كي الحصان الله يبارك.... حابة تجربي هيا.. واصلا سخفان نزيدو نجيبو طفل خلاف.. وش رايك زبدة تاعي..."
".... وشنووووو؟؟؟ واقيلا هبلت يا سي... أنا عليك وعلى ولادك ملحقتش نزيد نجيب خنفوش خلاف يكسرلي راسك... لم رجليك وعدل روحك وتفرج في الماتش بركانا بلا بسالة.... "
"... فكينا من لولاد... مدام رسيم ووسيم مكانش عند جداتهم... وش رايك نروحو نرقدو.... "
"... ههههه أمنتك.... راهي عشرة سنين زواج يا السي نكونو في الرقاد نروحو لجيهة خلاف.. ههههه قالك الرقاد... "
"... تسما ترفضي فيا معليش... "
... مشا وخلاها مشنف... شيحتو المخلوقة وخلاته ناقص حنانة هههههه طفات التليفزيون و راحت عنده للبيت لقاته متكي.. طلقت ضحكة طويلة وغمزته.... قفلت الباب موراها.. واكم علابلكم واش يصرا... أمور زوجية عائلية
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)