#smile
.... دات هادوك الورق وخرجت من لتما... ومزالت تحت تأثير الصدمة... عمرها ما توقعت انو هديل علابلها بالضرب تع باباها... والحاجة لي تشوكي انو مديتو قدوة فهاد الشي... قعدت على الفوتاي حاطة يدها على رأسها.... وفي قلبها قاعدة تدعي على توفيق لي دمرلها حياتها وحياة ولادها... قدرت تفسر حوايج بزاف من الورق هادو.. كل ما قاعدة تقرأ قاعدة تغوص كتر في رغبات بنتها المجنونة....
تنفست بشوية...... وش وصلها لحياة هادي... علاه ربي قاعد يعذب فيها بهاد الشي... صح غلطت فالماضي اما مش لازم كل هادا العذاب.. هبطو دموع حارين من عينها.... كي العادة تبكي بصمت وتتضرب بصمت وتتعذب بصمت......
هزت التليفون... تكات على النيميرو اللول و عيطتلو... الخطوة الثانية.... اسمها البرود وعدم الاهتمام.... لازم تبعد عن توفيق نهائيا وهداك الاهتمام الزايد بيه وبحياتو وعسانها ليه لازم يختفي للأبد....
سي تميم راهو راقد ولا علابالو يحلم انو راهو في جزر المالديف وقدامو قاورية... اه مزال منغمس حتى سمع صوت التليفون الزبل لي نوضو.... راح يسب بالمقلوب....عين محلولة ومقفولة.... لقا نيميرو مسميها فيه بالغولة... تخلع ونتفض من بلاصتو... هز عليها ويديه يرجفو ههههه مركبتو الرعب...
"... الو صباح الخير مس غولة... اه قصدي مدام زينب.... كأنو راكي مبكرة اليوم... كتر من العروسة الجديدة كي تنوض من ليلة الدخلة... ههههه"
هزت فنجان قهوة وتشرفت منو شوية وتبسمت
"... ليوم على العشرة فلوروت نلقاك لتما تستنى...."
"... او بدات الخطة هههه سي با فغي...ليوم السبت.... "
كوبات عليه خلاتو يهدر وحدو... ناض لقاها السبعة تع الصباح.... غسل وجهو وهبط فطر مع امو.. سلم عليها وراح يتلاقا بكريم اليوم عندهم بزاف محكاوش...
"... وش كريمو... صباح الخير.. "
تصافح معاه ومشاو قدام بعض ولي يلقاوه يسلمو عليه...
"... وشبيك ليامات هادو.... ؟؟؛"
"... والو جيست غلبت برك من المشاكل..."
"... مرت باباك رجعت تاني... خويا اسمحلي مي باباك هدا مفهمتش ادا اب... هو يشوف في ولدو لازملو عملية وهو يصرف على مرتو... "
"... عييت معاه... مش فاهمني قلتلو نبيعو القهوة ولا نبيعو لرض لي عندك... محبش خايف غير لكان كتبها باسم سمية.... "
"... لمهم مبقاش بزاف وانيس يمشي على رجليه نشاله.. اني قتلك عليا... مي راك تشوف انو الخدمة مكانش ليامات هادو... "
هزلو براسو وتبسم كي تفكر البوسة الاسطورية تع البارح
"... وشبيك تضحك هكدا وش كاين... ؟؟ "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)