.. ملقاش وش ينطق... حس بروحو مربوط فهاد اللحظة... كش شغل واخيرا بدا يفهم مشاعرو..جا راح يهدر لقا هديل جات عند مها وباينة انو معجبهاش الجو.. اول مرة يشوف زينب كأم... شخصية جديدة عليه..
تقمص دور المهرج وضحك وشاف معاها.
"... نتي هي هديل؟؟؟"
دورو ليه في زوج.. وفي زوج بنفس الملامح..
".. ههه متضربونيش برك.. ماماك دايما تحكي عليك في الجمعية... صراحة بنتي شابة بزاف على وصفها ليك..."
تبسمت معاه وهزت راسها... المدح دايما يأثر في الناس مهما كان عمرهم... يالوكان مرة عجوزة في السبعين... لانو الكلمات الجميلة لي تقولها لعبد تخليه في عينيه انو هو شخص مميز... وكون متأكد انو راح تصنع يومو... وتخليه هداك اليوم فرحان وايجابي... وهديل نفس الشي.. صح عقلها كبير اما قلبها ومشاعرها مشاعر طفلة صغيرة.. تحب اللعب والضحك....
"...مام انت زينون بزاف.."
"..هههههههههههه سمعتي زينب بنتك صريحة.. نتي جامي استعرفتي انو انا نهبل وبوڨوس.. اكبري شوية ونجي نخطب..."
خنزرت فيه زينب بغل
".. وش تخطب سيادتك الطفلة قد بنتك.. راهي غير تسع سنين..."
"... يختي وش قلقك لكان هي قابلة.. بيناتنا غير عشرين سنة برك... مدام معنديش زهر في النسا تع العشرين نروحو لجيهة العشر سنين بلاك تصلح... "
"... صح ماما رايحة تزوجيني بيه؟؟؟ "
".. نو راهو يتمسخر او كتر من باباك.. وراكي من نيتك تحكي تخمي في الزواج امشي تلعبي مع خوك درك نلحقك.... "
راحت وخلاتها تغزل وهو يموت على عصبيتها وكي تتنرفز...
"... من نيتك تحكي مع طفلة صغيرة هكدا.. وش هبلت.. ؟ "
"... نتي دايما تكبري الشي بنتك تسع سنين.. أما بينيلها نو نتي تشوفي فيها كبيرة... متكونيش سجان ليها... اصلا انا قلقت هيا نلعبو معاهم... كاينين تع الكبار... هههه"
"....منيتك هههه شارف كيما نتا تلعب.."
"... ههههه علابالي بيك 35 سنة وكبرتي على اللعب... أما انا مزلت مقفلت راني تسعة وعشرين.... "
مشاو شوية وين استوعبت وش قالها..
".... شكون هادي لي 35 سنة.. ؟؟؟ تحكي عليا انا؟ "
ضحك عليها... اخيرا قدر يستفزها...
"... هيه نتيا كاين عجوزة خلاف من غيرك هههههههه "
"... عمري مش 35 سنة... مزلت 29 سنة فهمت ومانيش عجوزة... كاين لي قدي مزالو متزوجوش وبايرين كيما حالتك نتا...."
ريحة حريق... قصف جبهات على المباشر. مسكين من الشوك جاتو الضحكة...
".... تسما رانا قدقد... مكانش علابالي... هههه وينا شهر نتيا. ؟ "
".... علاه تسقسي وتهدر بزاف... ؟؟ "
".... أنا 7 ماي متنسايش الكادو بعد ربع شهر ههههه"
..... الحوارات البسيطة لي يهدرو فيها تخليهم بلا ما يحسو يقربو لبعض.... النقاشات لي تجيني شخصيا غريبة تخلي هاذ الكوبل بذات مميز..... انك تمزج بين الما والزيت حاجة صعبة اما كي تضيف وسيط بيناتهم راح يمتازجو مشكلين مزيج غريب وفي نفس الوقت أجمل قصة حب....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)