#smile
خرجت من الفيلا تمشي بخطى ثقة وكبرياء.. وفي عقلها خطة الانتقام من زوجها الحبيب.. مش راح تعرف فواه تخمم ولا وش هدفها..
ركبت ملور والشوفور من قدام....
الخطوة الأولى كملت بقات الخطوة التانية.. وهي تخلي هداك تميم يدخل فاللعبة كطرف ثالث... لازم تخليه جزء من حياتها ودخلو فلعبتها وهكدا تزيد حلاوة الانتقام.....
".. مدام وين نديك...؟؟"
"... امشي وانا نقلك وين...؟؟"
هزت تليفونها وتعطيلو... في اليومين هادو قدرت تجيب كلشي عليه... على الأقل استفادت من حاجة من هادو الدراهم كامل..
جاها صوتو يعيط والحس من وراه والزعيق..
"... الو وي شكون معايا.. ؟"
"... أنا زينب لازم نتلاقاو بش نحكيو... "
".... ياو مانيش نسمع يا جدك... بلعي فمك علينا نتيا...اه مدام احكمي بنتك راه شبعتني روايح.... خويا بعد طابقك عليا.. والله الريحة تقتل......"
...تاففت بملل.... ونطقت بصوت حازم..
"... باطيمة ربعة طاج تالت... منين السبيطار.. عندك ساعتين لكان حاب تعاوني... ولا نقولو لازم تعاوني.... "
هبط من البيس مصدوم... كيفاه جابت نيميرو تاعو هادي.. حاجة تحير بدل يخاف على روحو....
"... اه وسمك امخلوقة.... وينا بيت وينا طاج انا انسان محترم... يا خلايا رايحة تديني للفاحشة العبد حياتو كامل صايم تجي نتيا تجريني لهداك الشي.... "
كوبات عليه وخلاتو هكداك..
"...الو وي الو اه.."
"... افف رايح نهبل يا ربي...."
مسح على راسو ومشا يتبع وين راح توصلو الحكاية هادي....
ما جا لقا البلاصة بسيف.... وقف قدام وحد الباب يبان تع جمعية ولا حاجة هكدا... رتاح السع في بالو رايحة تغتصبو... ههههه وتقودو للفاحشة ويحصل المغبون....
دخل عندها والنسا معمرين... هو الراجل الوحيد لي لتما... دارتلو بيدو السكرتيرة بش يدخل للداخل... هزلها براسو ودخل...
كانت غرفة فارغة حاجة ما فيها غير زوج كراسا..... استغرب وقعد فكرسي وهي قدامو طلع فيه وتهبط... تسكاني فيه ولا نقولو تحكل عليه....
"... والله ما تباني تع وحدة كانت رايحة تسويسيدي عندها سمانة... راكي حطة.. الخطرة لي فاتت لقيتك كي الغولة تع لي فيلم
... سبحان الله خداع المومنين كي يبدل الناس..."
قعدت جامدة تبسيمة صغيرة مدارتهاش.. حطت صبعها على رأسها وهو قاعد يخلط فالهدرة... ويضحك وحدو كي يتفكر البيس وهاديك المرة طاحت على الشايب فلقتو مع هي سمينة...."
".... تعرفي حاجة هاداك البيس لم الروايح تع لي بوبال تع لي زالجيريان كامل.... قتلونا..هههههههه "
"... نتا علاه تضحك بزاف حابة نفهم... عندنا سيجي مهم نحكيو فيه... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)