#smile
... كانت عشية مهبولة عاشوها في زوج.. جربو الألعاب كامل... تميم كل دقيقة يكركرها للعبة جديدة....وزادت تقيات عليه تلت خطرات... عرف بنها عندها فوبيا من البلايص العاليين... خرجت مشنشفة من لتما...
قعدها في الكرسي ويغسلها وجها ويمسح في روحو ويضحك.. حلت خمارها وجها صفر وقلبها مزال يدور عليها
"... ههههه مكانش علابالي بنو الغوال يخافو.."
"... اضحك قريب قتلتني في هاديك اللعبة.. مكش بنادم كاش نهار ترجعني كيفك مهبولة ومريضة..."
"... هههه وش خص تكوني كيما انا بوقوس.. فرحان في حياتي.. نخدم خدمة نحبها وزيد سيليباتار..."
"... علاه مكش حاب تزوج... ؟؟ "
".. نو الصراحة حاسس روحي مانيش قد المسؤولية... ومش قادر نرفد عايلة... ونشاله يجي نهار ونتزوج... بسك نحب لولاد... "
"... تسما حاب تتزوج غير على جال لولاد... متأمنش بالزواج عن حب مالا... ؟؟؟ "
"... نو الزواج هو حب في العام لول تاعو وفي ولي بقا منو هو ثقة واحترام... "
جملة منو قدرت تبينلها انو تسع سنين ضيعتها في زواج فاشل... خسرت روحها وهي تحاول ترمم وش بقا منو..
تبسمت وبلعت ريقها... تراقب فيه وهو يترشف من القرعة...
على بعد أمتار قليلة قاعدة فالكرسي المقابل والعساس قدامها... لابسة نواظر شمس وسورال حكل فيستا حكلة قصيرة....شعرها ملموم وعينيها تعس وتراقب فيه بهيام وهوس كبير...
"... مزلنا مطولين مدموزال؟؟؟ من الصباح وحنا هنايا..."
".. اشششش اسكت جواد خليني نتفرج ونتمعن فيه... خليني نداوي قلبي المعذب والمجروح..."
"... علاه متروحيش وتقوليلو وش في قلبك..؟"
"....هههههههه جواد جواد.. أنا مانيش جاية من الماريكان حتى هنايا بش نخرب سعادتو ونمحي ابتسامتو....انا جاية نلبي رغبتي المجنونة اتجاهو... الحقيقة أجمل من الصور.. قلبي قاعد يناديلو في كل دقيقة.... وبهاد المراقبة رايحة نقدر نرقد مرتاحة على الاقل "
"... رايحة تستسلمي؟؟ "
عضت شواربها ولحستهم بعطش وجنون.. تحس بالنشوة من قربو برك....
".... تميم تكتب ليا من بكري ومزال ليا... صح هو راح يكون بين يديها هي.. أما يبقى تاعي ههههه"
كي شافتهم ناضو وروحو.. مشات من وراهم مخبية ملامحها... وتبع في خطواتو
"... مدموزال ليلى راهي هنايا وكانت تعس فيهم من قبيل..."
".... هههه هدا وين فقت شحال راك حمار جواد.. عندي بزاف منلي شفتها.. "
"... ومنديرو والو ؟؟ "
"... لا منديرو والو ههههه خلي نتفرجو ونراقبو بصمت.. كيما كنت نحبو بصمت رايحة نكمل بصمت... واصلا حابة نشوف ردة فعلو.. وحابة نشوف ملامح الغضب على وجهو... احححح حماس... "
ركبت الطموبيل والحارس ركب من قدام يسوق... بقات متبعتهم بعينيها وتبسمت
"... راح يجي نهار وين العالم كامل راح يهجرك وراح تلقى غير حضني يحاوطك تميم... وفي هداك النهار راح نقول بصوت عالي
...... Game over 🎭🔥....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)