smile [مكتملة]

الحلقة 80

#smile

... شاف مستغرب من نبرتها لي تغيرت... وهداك الصوت لي قاعدة تحكي بيه...تفكر موسطاشة تع السيام.. بانو سنيه... اصلا كانت تبانلو بيزار ومهبولة.... حتى كي زعما كان جايح ودمونداها في عيد الحب.... كانت غير بش زعما يببين لصحابو انو عندو تأثير على البنات... مجاش في بالو انو واحد بالمية رايحة تحبه..

".... هههههههه منيتك موسطاشة تحبني؟؟ يختي منقدرش نتخايل روحي معاها اصلا.. وهادي عوام مشفتهاش... يمكن تكون تزوجت وعندها ولاد درك...."

... علاه مزال مصر انو متقدرش تحبو... يعني يشوف فيها ناقصة من جيهة... محسسها انها متستاهلوش.... يعني مكانش امل منها انها تحبه ولا هو يحبها... تبسمت بسيف

"... علاه تعيطلها موسطاشة ؟؟ ههههه اسم بيزار بزاف.... "

... مسح راسو بيدو ويشوف مع الطريق وحاط يدو في جيابو...

"... ههههههه كنت صغير وبهلول بزاف... وكنت نحب نمد للناس اسماء ليهم...وهي لحق مكانتش موسطاشة هههههه بالمعنى الحرفي... أنا معرفتش كيفاه سميتها هكداك... أما لحق كانت بوبية بزاف.... عينيها خضر كيما نتيا وشعرها طويل.....مفهمتش كيفاه قاعد نحكيلك قصة حياتي انا ههههه لدرجة هادي بائس... ديزولي كسرتك راسك... "

"... لا هههه عادي اصلا منعرف حتى واحد هنايا... جواد راجل كبير وسامط بزاف... "

"..... ههههههه وعلاه كنتي تمثلي معاه هديك المسرحية تع تحرش بيا.... ؟؟ "

.... طلقت ضحكة تعها تع المهابل وهو مسكين تخلع...

"..... ههههههههههه.... الصراحة والله معلابالي..
.. قلت بلاك نلقى كاش واحد يحبس يعاوني... وهداك حاطو بابا بش يعسني خاطر جيت هنايا بلا ما يفيق.... "

.... الحديث تاعهم قاعد ياخذ منحنى مختلف.
...هي تحكي كيفاه جات هنايا وهو يتصنت ليها بانصات كبير كي شغل يعرفها عندو بزاف...... وصل لدرجة انو اي شخص يضحك معاه ويمدلو طاقة إيجابية يقرب ليه... وهي كانت وسيلة بش يلهي روحه على وجاع قلبو المكسور....

".... ههههههه صراحة حكايتك بيزار شوية... يعني متبانيش صغيرة بش والديك يخافو عليك بزاف حتى لهاد الدرجة..... بصح وشنو هو اسمك...؟؟ لدرك مقليتليش...."

... شافت معاه متوترة... لوكان تقلو اسمها رايح يشك وممكن يفيق...أما حبت تخاطر..لوقتاه راح تقعد خايفة منه.... هو درك بين يديها ومعاها.... خلي تقول

"..... اسمي ايمان.... "

..... شاف معاها بعمق ونحا يدو من جيبو..

".... ايمان ؟؟؟؟؟ انت ايمان.... "