#smile
.... هداك السؤال لي جا منه خلاها تتبسم.. ذرة خوف مكاينة في عينها...دارت بيدها الخدامة بش تروح وخلاتهم مع بعض في مواجهة شرسة....
"... متنكري والو... كلشي شفته زينب درك تنطقي كيفاه قدرتي تخونيني.. كيفاه؟؟؟"
"... ههههههه خنتك أين المشكل في هدا... ؟؟ علاه غير انت لي تقدر تخون... خنتك ومستعرفة ومانيش نادمة انو درتها.... لانه خلاتني نعرف اروع شخص شفته في حياتي.."
..... عينيه حمارو جبدها من شعرها وخبطها في الطابلة تع الصالون.... يعني تقدرو تسخايلو كمية العذاب لي رايحة تعيشه... غمضت عيينها من الألم... ناضت تضحك بصوت عالي والدم يسيل من فمها....
"... زيد اضرب ههههههه انا قدامك راقدة ونخمم فيه.... أنا معاك وعقلي وقلبي معاه... خنتك توفيق طول عمرك وانت تستعرض روحك عليا.... نفسك وكبريائك وغرورك خلاك انسان حمار..... درت الثقة فيا ونسيت بنو انا اكبر لفعة تقدر تلقاها.."
.... طلعها معاه للبيت يكركر فيها من شعرها.. عينيها بداو يتغمضو اما مش حاسة بالخوف... مش حاسة بالذنب.... حاسة بالامتنان انه واخيرا شافت هداك الشي لي كانت متمنيتو.. شفا غليليها.... تفكرت وش جاز عليها كامل من البداية حتى النهاية....
... رماها فلرض خلاها تبزق الدم وتكح بقوة...
"... ههههههه زيد اجبد حوايج خلاف... كنت مسجية مفاجأة ليك كبيرة بزاف... أما نقولك.. راح يجويك أوراق الطلاق بعد 15 دقيقة... وراح توقع عليهم لانو لوكان مديرهاش راح الفلاش لي يضم أعمالك الغير قانونية راح يتعرض في كامل لي شان.... و نهايتك راح تكون في الحبس... هههههه وش رايك فيا.. توفيق... وينو جبروتك واستغلالك كل هادي السنين.... وش نتوقع من واحد مه ماتت ومراحش شافها في دار العجزة... "
.... دور عينيه ليها وفي يدو سلاح... حاكم شعره وعينيه جمر... راح يتطرطق... وصل لدرجة انه تلبسه الشيطان من ساسه لراسه... درك يقدر يقتلها... مش راح يخاف... مش راح يقول انه غلط.... كرامتو تهانت وشرفه.... الراجل مش كيما المرأة في الخيانة.... ميقدرش ينسى وميقدرش يسامح... وميقدرش يرجع قلبو كيما كان لانو خلاص... سمع كلامها كله على امه لي لقاوها ميتة في دار العجزة.... مغاضتوش ومتهموش... اصلا كارها ومراحش حتى شافها قبل ما يدفنوها... ماتت بغصتها مسكينة..... وخلاتو ذنب عليه كبير...
".... علا اااااه درتي هكدا..... طول عمري نحاول نفهمك.... نحاول انه نكون كيما تحبي.. أما عمرك ما حبيتيني... كنت تشوفوني واحد صلح غلطتو معاك... مخميتيش انه راجلك يتوحشك... يحب يكون معاك.... طول عمرك رخيصة وذليلة.... طول عمرك باردة ومتحسيش.... خليتيني نخونك لانو ملقيتش عندك الاهتمام.... ملقيتش عندك المشاعر ولا العاطفة..... كل ما نروح نلقى زينب السياسية قدامي.... تخطط كيفاه تربي ولادها.... تحاسبني انو رقدت مع مراة خلاف.... ودرك حاجة ما رايحة تشفعلك زينب.... مهما درتي حاجة ما راح تخليك تعيشي ليوم.... مايهمني والو... غير انه نعرف شكون هذا لي خلى جليد
كيما نتي يموت..... ؟؟... وش هو المميز فيه... وش عطاك.... "
... شافت معاه وضحكت ضحكة معمرة دموع... وغمزتو...
".... هههههه كان راجل عليك في كلشي.. خلاني نحس انه انا أميرة.... تعرف الحاجة لي ممديتهاليش في تسع سنين هو مدها في يومين..... وقدر يدي قلبي في شهور معدودة..... أنت طول عمرك جبان وخواف... خايف من الناس وسمعتك الرخيصة انو تتكشف قدامهم... خايف يقولو ميقدرش يروض مرته.... ضربتني... خنتني... عذبتني... سرقتلي حياتي.... أما قلبي مقدرتش تديه... وروحي مقدرتش تروضها.... أما هو بتبسيمة صغيرة منه تخليني نمدلو هادو كامل مرة
وحدة... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)