#smile
"... لا متأكد تلاقينا...؟؟ اه شفيت نتي تع سبيطار هههه... اسمحيلي على هداك النهار.. والله ما كان قصدي نخلعك اما صدفة رايعة.. نتي تاني خدامة هنايا... ؟؟"
شافت معاه ببرود وعداتو ودارتلو بيدها اخرج
"... سمحيلي اما حالتك مش مليحة.. تسحقي كاش حاجة... ؟؟؟"
"... نتا وش دخلك فيا ندير وش نحب هيا اخرج منا درك... ازرب... "
هزلها بكتافو وخرج رايح للتحت....
السهرية مزالت هي هي... قصو لاتارت وزينب تشوف في توفيق على انو شيطان بشر ي.. وسلاف لي بكل صحانية وجه تحكي معاها.. الناس لي عندها زوج ولاد...."
كان تميم هاز كيسان جي ومديهم لطابلة توفيق وجماعتو... وبلا ما يفيق مشافش الطفل يجري وصبو على توفيق.. خلى الشوميزي تاعو كاملة تولي حمرة...."
حل فمو بصدمة وتوفيق ملامحو مالو للغضب
"... وش عور متشوفش ؟؟؟"
".... اسمحلي موسيو والله ماشفت الطفل.. درك نمسحالهك.. "
".... متمسحش... هادي الشوميزي تبيع روحك مش راح تجيب حقها يا سي سرباي.. اوفف "
مزال تميم محافظ على نفس الابتسامة تاعو..
راح لجيهة الجي لوخر وجا كبو على الشوميزي تاعو.... وصفق بيديه وضحك...
"... هكدا ولات عندك شوميزي تع كلون... والله غير خت تاعي فدار... متخافش غدوة نجيبهالك تلبسها..."
ناض الكل يضحك وتوفيق وجهو حمار وعروقو تزير... مقدرش يهدر لانو خايف يغلط تبسم تبسيمة صفرا وطلع يبدل
هاد المسرحية عدات على عينين زينب لي عينيها لمعو وجات في بالها بلان الشيطان ميجيهش... حان الوقت للانتقام... رايحة اليوم ترجع لزينب الشريرة الأنانية لي رايحة تخلي توفيق يركع من جديد تحت رجليها... والطريق لهدا هو انو ترجع حقها وتتبع نفس طريقتو الرذيلة...
مشات للجنان لي ملور وجبدت من وراها تميم لي لقاتو يحشي فالقاطو...
"... اه اح اح اح... وش كاين مدام.. ؟؟"
طلعتو من تحت لفوق وتبسمت...
"... كيفاه اسمك... ؟؟؟"
شاف معاها باستغراب ونطق
".. شوفي مدام.... صح كليت حبة قاطو وزوج ملفيات وزوج كوكا وبلاط بيتزا وصحن سلاطة و تلت حبات تشينة اما والله نسلكهم مش لازم تبيعيني لمولا الشي هدا..."
"...وش اسمك..؟؟ ؟"
"... اسمي تميم..."
"... مممم تميم... .. راح تعاوني في حاجة... رايحة تخليك ترد المعروف... "
شاف معاها باستغراب وقربها ليه خلاه يخاف شوية....
"... مفهمتش وش تقصدي..؟ ؟"
"... هههههه رح نخون راجلي... ولا نقولو نمثل خيانة راجلي... ونتا هو لي راح تكون الخاين معايا..."
شاف معاها بصدمة غريبة خلاتو حال فمو.. وهي تتبسم وهو طرشق بالضحك...
".... تتمسخري ختي ؟؟؟...ههههه والله أجمل بلاغ سمعتها في حياتي... نمثلو العشق الممنوع هههههه. وقوليي يزيد يلقانا مع بعض وانا يقتلني ونتيا تعيشي معاه وترجعيه ليك وانا نتدفن تحت التراب.... ههههه"
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)