#smile
... قاعدة قدامها وتقري فيها... ممكن العلاقة تعهم تحسنت شوية....هديل ولات قريبة اكتر من زينب... وزينب ولات تلفت انتباهها لبنتها اكتر.... متنكرش انو تميم أثر في أفكارها شوية... دوب تفكرتو تبسمت... فطنتها هديل لي تهدر معاها... مسحت على شعرها شوية وناضت راحت لبيتها... تمشط في شعرها ودير فلاكرام تعها... تكات في بلاصتها ودورت لجيهة ليسرى من السرير... محست غير حاجة هبطت... لقاتو توفيق تسطح قدامها... قدم ليها وحط يدو يعدي فيها على كتفها... بعدت روحها بزربة منه...
".....وشبيكي نتيا... هاد الشهر تبدلتي.. متسقسي على راجلك هههه وخرجاتك كثرو يا مدام... لوين كل يوم تروحي...."
... صفار وجها شوية..
"... بعد عليا توفيق مش وقتك... مزلت مريضة"
"... شهر وانا صابر عليك... مش كي رخفتلك معناها رايحة ديري رايك زينب..."
"... اففف منك فهمت.. اصلا شكون لي وصلني للسبيطار... بسبتك راني فالحالة هادي... "
رقدت وخلاتو.. تافف شوية وخرج مخلي البيت فارغة... تعرفو بنو البرود في العلاقة اول مراحل الانهيار فيها... يعني اذا قل الكلام بيناتكم.. ولا حاسة بعدم الاهتمام من جيهتو.. اعرفي بنو خلاص مكانش حل لهادي العلاقة من الأساس...
توفيق وزينب مثال عن علاقات زوجية بزاف
نشوفوها... البرودة والخيانة و قلة الاهتمام...
لقاتو خرج... هبطو دموع من عينيها شوية... حاسة بأنها مش مرئية بالنسبة ليه... متبدل محوس عليها... محب يدير حتى خطوة بش يبين انو مزال حب من جيهتو...
سقسات روحها اذا هي حبت توفيق من قبل..؟؟؟ هو حبها... ؟؟؟ مزال يشوف فيها هاديك البنت صعبة المنال كيما كانت... ؟؟ أسئلة بزاف خلاتها ترجع بمخيلتها للماضي
Flash back.....
".....زينب هيا نخرجو.. علابلك عرضني توفيق للغذا ولازم تخبي عليا... راني فرحانة تشوفي الطموبيل لي جابها ول لبارح تهبل..."
شافت معاها زينب باستهزاء ونطقت
".. هههه انتيا مترياليست خالدة... مفهمتش وش عجبك فيه... زعما ينعت في روحو بنو عندو دراهم..."
"... نتيا دايما هكدا زينب... لمهم كي تعيط ماما قوليلها اي معايا متنسايش... باي "
قفلت لابال فيديو معاها وحطت تليفونها... بيت صغيرة وباينة حالتهم حالة زواولة... لقات مها طيب فالكسرة وباباها يقسر معاهم... عدات عليهم كي شغل مكانش وخرجت...
اصلا هي بطبيعتها هكدا... و علاقاتها باردة وسطحية حتى مع والديها... معاشتش هاديك الطفولة الجميلة ولا السعيدة... كانت انسانة طموحة ومدابيها توصل بقرايتها للعلالي... ووالديها كانو مدابيهم غير يزوجو ها.... والرفض كان دايما يجي من جيهتها.... تقدرو تقولو انو والديها لا علاقة بيها.. مخموش فيها ولا في حياتها
عدات ومشات للحانوت... شرات ماكلة وراحت للبحر وتاكل لتما... بلاصتها المفضلة وين تحس روحها فرحانة وحرة.....
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)