#smile
شاف معاها باستغراب
".... قتلك مانيش حاب فرنك من عندك تشوفي فيا طلاب هنايا... ختي هاكي مفاتيحك"
"... شكون لي قالك مديتهالك.. هيا سوق بينا ودينا لبلاصة مليحة لانو تغميت فدار..."
".... اه.... أما نقولك حاجة انا منعرفش نسوق"
ركبت فالطومبيل وخلاتو برا واقف كي العرصة... دخل وقعد في بلاصة السائق ويديه يرجفو...
نطقت بصوت ثابت
"... هيا نوض الطموبيل... كلشي معاك فيه تعطال... "
".. منعرفش نسوق متفهميهش واصلا وش دخل سوقاني فالحكاية... رايحة تخوني راجلك مع الطموبيل بلاك... اففف.. "
"... عندك بارمي... ؟؟؟؟"
".. وي عندي"
"... وعلاه متسوقش مالا... ؟؟"
"... هكدا منحبش هاكي مفاتيحك.. منقدرش نسوق اسمحيلي... "
".. لازم تتعلم لانو انت رايح تولي الشوفور تاعي لجديد... "
تبسمت وضورت للكارو خلاتو مصدوم... رايحة تديرلو كريز قلب من المخلوقة هادي.. من مهرج لحلاب لشوفور... غدوة تقولو تولي طبيب....
نحات المفاتيح منو و شعلت الطموبيل..
"... هيا ابدا تسوق ولا نقعدو هنايا... ههه وبش نقلك انو انا معنديش برمي ويقدرو لابوليس يحكمونا هنايا..."
"... كيفاش يا فطوم ارواحي اندبي على ولدك.. وش داني وش داني...."
حرك الفولون بشوية... وكسيرا خايف كشما يقيس... يمشي بفيتاس 40 هههه... لدرك مزالو في نفس الدورة...
"..... هيا ازرب شوية نقعدو هنايا... "
"... اسكتي والله البولة حاكمها بسيف انا عندي بزاف مسقتش علابلك.... "
حطت رجلها وتكات على الفيتاس قدامو وهو ولا يعيط من الخوف وهي متبسمة معرفتوش خواف...
بسيف بش عدل الفيتاس... يمشي ويرد فالنفو
".... رايحة تقتلينا نتيا اااااا... حبسي.. "
قارا قدام الطريق وباين فيه منرفي وخايف عندو عقدة من الطونوبيلات يخاف منهم...
جبدت قارو وحلت الطاقة لي قدامو وقدامها..
".... عندك واحد مات فاكسيدون... ؟؟؟"
دور ليها ونحالها القارو وطيشو من الطاقة... وغمض عيينه عرقان...
"... علاه راكي تديريلي هكدا... أنا وش درتلك بالضبظ فواه اذيتك... راكي تعذبي فيا هكدا.."
"... ههههه صدقني اول مرة نشوف عبد كيما انت معكوس فكلشي... وزيد فوق هدا الشي بريء....وخواف كبير...."
قعد يعكيلها بوجهو وهي تبسمت
"... متضحكيش علابلك.... عندي فوبيا من السرعة والطموبيل منقدرش نسوق واليوم خليتيني ندير اكبر حاجة من كوابيسي... "
شافت معاه
"... بلاك فاللعبة هادي انا رح نعاونك كتر من رح تعاوني انت.... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)