#smile
تبسم معاها بغباء ومسح وجهو... حابب يخفى التوتر لي يحس فيه فهاد الدقيقة ومع هاد الانسانة.... كل ما يتلاقى بيه السخانة تطلع للخمسين....
"... هو انا نضحك بسك نحب نضحك وسنيا شابين... وعندي فوساتة لازم نتعتها دايما.."
هبطت رجلها وعدلت خمارها وشافت معاه..
"... رايح تعاوني كيما قلتلي... لازم نخلي راجلي يهبل لازم يشك ولازم يحس بواش حسيت انا... لازم يركع ولازم يتفكر بنو غير انا لي عندو... مرتو وبس... "
جمع الابتسامة تاعو بزربة...
"... مزلت حاسها كاميرا كاشي ولا مسلسل هندي..."
".... احسبها كيما حبيت لانو فالاخير رح تمثل حاجة.... "
"... فهمت انو نتي حابة تنتقمي من راجلك هدا... أنا وش دخلني في نصكم حاب نفهم برك راكي عارفة بنو هاد لي ديري فيه حرام... عارفة انو المجتمع راح يلومك نتيا لولة قبلو.. خمي في ولادك... عايلتك... وش يقولو زينب خانت راجلها.... مع شكون هههه مع مهرج بهلول... "
".....تعرف انو كي يجي نهار تحس روحك معندك حتى معنى ومعندك حتى هدف ولا قيمة أمني انو اول حاجة رح تحب تنتحر.. أنا حبيت نرجع حياتي كيما كانت فلول... حبيت نحسسو ولو لمرة اني انا مرتو... لازم نخليه يتفكرني ويحبني كيما كان قبل.... يخي انت تحب تضحك الناس وتنسيهم في همومهم ودايما تخلي الابتسامة والبهجة على وجوهم.. مام انا توحشت نكون فرحانة... توحشت نكون عبد ولو مرة في حياتي... توحشت نضحك.. "
مينكرش انو غاضتو وطيبتو الزايدة زادت كملت عليه..... عفص وتجاهل عقلو ويا ريتو ما تجاهلوا.... وقبل يدخل فاللعبة تع زينب...
"..... اوكي وش لازم ندير بش نعاونك... ؟"
"... تسما راك قابل.. شوف اطلب اي دراهم نمدهملك... اي مبلغ راح يكون في يدك... "
".... مانيش محتاج بش تصدقي عليا... مع انو مانيش مقتنع بالهبال هدا وعلابالي هادي الخطة رايحة تدمرك كتر......اما عندي امل نقدر نرجعلك ضحكتك الضايعة..... نآمن بنو الناس الي مش ملاح عندهم الحق بش يفرحو ويضحكو.... لانو السعادة متقتصرش على الطيبين برك... علينا كامل... ونتيا تاني عندك الحق في هادا..... "
"... القرار في يدك...دراهم عملية خو صاحبك بين يديك... حلم سبيطارك وحلم الدكتوراه.. بين يديك نتا.... "
انصدم وتشرعو عينيه... منين جابت الحكايات هادو هادي..
".... نتي منيين تعرفي هاد الحويج كامل.. ؟؟"
كمل الهدرة في مخو... يعني تقدر تكون حاطة كاميرا في بيتو وتعس عليه... يا وتكون تشوفو كي يشطح بالمنشفة في البيت... وجهو حمار وضحك ضحكة صفرة...
"... مانيش نراقب فيك متخافش اما لازم نعرف عليك حوايج يهموني من بعد.... هكدا نكونو تفاهمنا موسيو تميم جبران.. اهلا بيك في لعبة الخيانة هههه"
".. متزيديش تقولي هكدا راكي تزيدي تحسسيني بالذنب كتر وكتر.... بصح انا وش ندير؟؟"
"... والو اديني نحوس ابعتلي ميساجات... اعرضني ديرلي كادوات... وخلاص واحد ما رح يعرف بنو نتا... والباقي خليه عليا... "
".... فرجت عليا وليت حلاب آخر عمري..
لوكان تفيق بيا يما والله غير تذبحني وتعلقني قدام حانوت سعيد... "
".....عندي شروط بش نوافق... "
"...متقربي ليا... متعيطيليش فليل.ومتدخليش عايلتي فالحكاية... "
"... متخافش مانيش راح ناكلك... مدة قصيرة وكلشي يخلص و رح نخرج من حياتك كانو جامي دخلتها... "
"... بيان موافقك... ربي يعين ويغفر برك... رايح لحبل الجزار برجليا... "
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)