"... يما هيا ازربي شوية... ساعة درك نلقاوهم خلصو كلشي... نورمالمو نروح نعاونو..."
... دير فالكحل لعينيها تخط فيهم..
".. بصح انا وش نروح ندير لتما منعرفهمش..."
"..يما... كريم لي باقي يحاول فيا بش نجيبك تعرفي قداه يعزك... قالي لازم تجي وتحضر.. اصلا تشوفيه راهو. طاير بالفرحة هههه "
خنزرت فيه بشوفتها
"... اهيه يا دنيا... هو صغير عليك وتزوج.. ونتا اقعد كى الهجالة في وجهي... لا دار لا خدمة لا سيدي زكري... فالح غير فالجياحة والمكياج تع النسا... "
شاف معاها بصدمة وناض يضحك
" ٠..هههههه وينا ماكياج يما ربي يهديك هادوك اسمهم الوان مائية يا فطوم.. يرسمو بيهم ماهوش مكياج... والزواج مكتوب.. الله غالب... "
"... يعني دخلاتك وخرجاتك.. وسهيانك وليزابال... معندك حتى طفلة في حياتك... ؟؟ ا طفل بديت نتوسولك.... "
صفر وجهو وتبسم ابتسامة صفرة... جاتو الخلعة شوية... لدرك محكالهاش على حكايتو مع زينب... ومش ناوي يحكي... ولوكان تفيق علابالو مش رايحة تجوز هكداك.....
وصلو منين مدايرين غدا.. لقا كريم فالباب راح حضنو وسلم على فطوم
".... ههههه ياه لعريس راك حطة يا خو... رايح تتزوج واخيرا..."
..... هزلو براسو وتبسم...
حنان كانت في بيتها وتقدرو تعرفو كمية السعادة لي راهي فيها... مفاجأهاش خطبة كريم ليها قد موافقة باباها.... فرحانة انو الأمور تصلحت بين العايلتين...بحكم اليوم غير فاتحة مش راح تنجي جلباب... دارت بارفا شوية وقاعدة في بيتها حشمانة وفي نفس الوقت فرحانة...
الحومة مهولة فرحانين ليهم... يسنى يروحو..
دخلو العايلتين وجاو الرجال وبحكم اب حنان هو لي رايح يقرأ الفاتحة ويزوجهم كان كلشي بسيط وفي نفس الوقت يملي العين ويسكت فام الناس..
.... هزو في زوج يديهم يقراو الفاتحة... هو يدعي من قلبو انو ربي يباركلو بيها ويقدر يحافظ عليها ويصونها... وهي تدعي انو تقدر تعوضو على امو وتكون لو المرأة الصالحة لي يتمناها اي عبد....
أجواء الفرح والسعادة هادي لازم يكون شخص ولا أشخاص ينغصو الفرحة وميكونوش فرحانين... قلوبهم حكلة يا لطيف... ومن هادو سمية السحارة.... تشوف بعينيها ومش عاجبها العجب... حاولت تفسد الجو اما ما قدرتش متحملتش انو كريم ميكونش تحت يدها...
.... حاولت انو تقنع راجلها ميوافقش اما هو قالها انو حاب يخرجو من الدار بش يقعدَو ويلقاو راحتهم اكتر... وزيد هاديك العرافة مفهمتهاش.... تفكرت كلامها في هاديك اللحظة
.... كلامها على صاحبو لي يدمرو... يعني بلاك ليوم حاضر.....
.... خرجت تسلل من الصالون لي قاعدين فيه النسا... و تراقب فالرجال لي يعديو..
كي ملقاتش مرادها قلقت وجات داخلة... تميم عدا منين هي وعفص على وش لابسة خلاها يحبس
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)