#smile
.... لابسة شورط وبيستي كي العادة... دايما مصهدة الحالة عندها هههه... تقرقب في الكوزينة من ومن وتغني... كان هو دخل للدار دز الباب من وراه لقا امه راقدة وشخيرها واصل لآخر الصالة... نحا صباطو وفتح الشميزي.... هو تاني دايما مصهد .. نحاها وطيش كرطابلو وراح غسل يديه...ودخل عندها الكوزينة لقاها تشطح شاكيرا وزاهيتلها.... نسات المصايب لي دايرتهم... مشا عندها وعضها من كتفها هاز قاطو تع الشيكولا من الفيرجيدار....... دورت ليه وحاكمة يدها... وجعها الحمار..
"... أنت علاه متوحش هكدا... ؟؟ اححح وجعتني.... وعلاه معري روحك ودور... حاب تغريني زعما....."
".... هههههه من نيتك؟؟؟ السخانة الله غالب في الدار... واصلا لوكان عيني نلعبو لوكان راكي لفوق...من مصايبك وليت خايف نخرج من الدار نلقا لابوليس في وجهي..."
.... قربت ليه ودزتو قاعد على الكرسي وفي يدها الموس تشاور بيه...
"... اممممم وليت انا تع مصايب... ههههok.. "
َوقف متبسم وجبدها ليه محضنها... وهي تضحك
"... ههههه علابلك راح تجيني جلطة من خدايمك مدام كلوشار.... "
... شافت معاه ببراءة ونطقت مصدومة
".... أنا ؟؟؟ كلوشار؟؟ علاه وش درت.."
... حط راسو في رقبتها يجوز في خشمو عليها
"... مممم شكون لي عذب ليلى بنت خالتي وخلا راسها كي العضمة ههههه وشكون لي ضرب الطفلة لي تقرا عندي ورقدها في السبيطار يومين.... شكون لي راحت هجمت على دار وأم هداك الطفل لي سي براء وسيحت عليها لابوبال تع تع الزبل... ومزال الخير ههههه"
... بعدت عليه وباستو فوق خشمو تمسح في الشيكولا بيدها
"... هما لي بروفوكاوني... وانا لي يدور بحاجتي منعقلش عليه.... أنت حاجة سبسيال وتاعي برك.... واحد ما لازم يقرب ليك راجلي..ولا نقتلو... معادلة بسيطة... كل متر منك راح يخلي صبع ينقص منهم "
".... احححح عنيفة ويعجبني العنف هههه.. وليت نخاف منك... كاش نهار نلقا حاجة ناقصة فيا..... "
"... هداك النهار قلبك هو لي يكون ديته... الحاجة دايما لازم ترجع لمولاها الأصلي... طول طول وترجع.... وقلبك راح يكون ملكي تميم وكون متأكد.. "
... جبدها ليه َطلعها للبيت.... هدا خامس سرير يتشرى هاد الشهر ... بعد قتال عنيف بين زوج مختلين.... بعدت عليه تنهج... وطاحت على ظهرها شعرها مخبل وعينيها حمرين... وهو كيفها جبد قارو يتكيف... ممكن هاد العادة هي العادة البشعة لي اكتسبها في هاد السنين.... نحاتلو القارو وطيشتو
"... لازم تنحيه.... مش مليح.. نحب ريحتك برك تعمر البيت..."
... شفته الصدف لي كاينة في هاد الحياة.. هو كان ينحي القارو من يد زينب و إيمان هي لي ولات تنحيهولو.... معادلة غريبة ومثلث حب أغرب.... مخلي هاد القصة عندها طابع غريب أكثر...
... قربها ليه كتر ونطق وصوت تنفسهم مسموع
".... السرير تفتت... لازم واحد خلاف... رايح نخلص دراهمي كامل فالسرة انا هههه"
".... معلاباليش بنو متزوجة جون سينا انا ههه
.... مزية فطوم رقادها ثقيل... ولا تجي تشوف ولدها المحترم...."
".... هههههههه نتي راكي تقراي في القرآن كي شغل.... أما مننكرش منشبعش من جدك خلاص... والله غير شحنا هادي 35 سنة..هه"
... ضربته على صدره ودورت لاوية عليه البينوار
"... كريم وحنان عارضينا عندهم غدوة بش نروحو عندهم... وهكدا يتلاقاو لولاد... "
"... اوكي مكانش مشكل... براء راح يفرح كي يروح..... الضغط تاع القراية بزاف عليه... "
"... وي علابالي اما لازم يطور روحه هو و اخته بش ورثهم يديوه ويعرفو يسيروه..."
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)