#smile
باقي يشوف معاها بلاك يلمح اي رد فعل انها تتمسخر اما لا المرة هي هي... ما رمشت ما تحركت
".... تسما راكي تحكي من نيتك..؟؟"
كملت محافظة على نفس الابتسامة الباردة وتراقب فحركاتو... معلابلهاش علاه اختارت هدا العبد بالذات... أما متنكرش انو شخص غريب يخليك تنجذبي ليه بلا ما تحسي... وهذا هدفها لازم تلقى واحد يخلي توفيق يعرف بنو هي اي واحد يتمناها... وانو خسر حاجة غالية بزاف...
"....معلاباليش وش هو المشكل مع راجلك بالذات مدام... أما هدا شي غير منطقي بالنسبة ليا... انك تخوني راجلك هدا بحط ذاتو ميبررلكش الذنب هذا... أنا منقدرش اسمحيلي.
حاولي تصلحي العلاقة ولا انفصلي عنه.."
تبدلو معالم وجها للغضب و تحولو للخبث...
"....نعتلك حاجة وقولي ادا يستاهل انو نكرهو ولا لا...؟؟ "
حلت خمارها ورايحة تنعتلو.. وهو بعد وجهو عليها وهرب يجري.... حاسس روحو راح يغلط هكدا... و باباه رباه راجل ميدورش بحرمة غيرو...
لحقتو تجري والخمار مغطي غير نص شعرها..
"... شووو ف رقبتي شوف وجهي.. تحب نتعرا قدامك بش تشوف كيفاه راني عايشة... أنا عايشة مع وحش.. ولوكان متعاونيش رح ننتحر لانو منقدرش نتحمل دقيقة أخرى معاه.. فهمت...."
دور ليها والغضب بدا يبان على وجهو.. لملها خمارها وغطالها رقبتها بيه
"... أنا منعرفكش ومانيش نحوس نعرفك..
شكون انا بش تبرريلي ولا تنعتيلي.. في عود ما راكي تدي في ذنوب زايدة... روحي قولي ليه بنو راكي تتعذبي معاه..... فرغي وش في قلبك ليه هو... مش انا... "
مشا وخلاها لتما وحدها... حست بانها عبدة مش مرغوب فيها... راجلها خلاها... هدا تجاهلها... وصلت لمرحلة قادرة تقتل روحها عادي... لانو خلاص مكانش امل للعيش..
طلعت لفوق جثة بلا روح... السيناريوهات قاعدة تتعاود وتتكتب قدامها... كلام مها.. باباها.... بنتها... راجلها.. وتميم.. هي عبدة سيئة وضعيفة بزاف... طول عمرها كانت توصل وين حابة... باي وسيلة كانت.... أما فاللحظة هادي كرامتها وانوثتها تهانت مرتين..
.... لازم تموت وتتنهنا.... هدا هو الحل...
مشات للبالكون تبكي وتشهق بالصوت.. حالتها تبكي وتشف... الحرب النفسية أقسى من الحرب الجسدية...
في هداك الوقت هو كان يمشي بلا عقل.. مش مستوعب وش صرا درك... بدل حوايجو وماشي ساهي في نقطة وحدة... هاديك المرة شكون؟؟؟؟؟ مش فاهم... أما جات في بالو كلمة ننتحر... كلمة الموت.... هدا خلاه في صراع بين عقلو لي يقول بنو هدا غالط وميجوزش... وضميرو الحي لي يقول بنو المرأة قادرة تموت... قادرة تقفد حياتها بسببك نتا....
معرفش كيفاه رجع وطلع فالدروج.. عندها للبيت بحكم الناس مزالو الداخل واحد ما توله... بقا يحوس حتى دخل.. لقا الباب محلول... زدم طول.. شافها قاعدة فالبالكون ورجل تدي ورحل تجيب...
".... مدام عندك تديرها...."
شافت معاه بنص عين وابتسمت...
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)