#smile
.. عدا هداك النهار خالي من اي أحداث... كريم وتميم في خدمتهم مع لولاد.... يمكن شعبيتهم ولات اكبر... لانو الجو لي يعيشوهلك يخليك تنسى همومك ومشاكلك...
"... اسمع عندي حاجة ليك.."
عض من كسركروتو ودارلو بيدو وشنو
"... هههههه في رأيك وشنو هي الحاجة لي حابها من هاد الدنيا..."
دارلو بيدو
"... حاب حنان..."
سكت للحظة يقرأ في ملامح صاحبو.. يعني لهاد الدرجة يحبها... كريم بلا حنان يموت.. بلع ريقو و حافظ على نفس الابتسامة تاعو ونطق
"... وانيس؟؟؟؟"
"... هداك خويا ولازم يكون كلشي في حياتي.."
"...وي ولهاد الشي هدرت... عملية خوك الشهر الجاي راح نديروها لو... ههههه"
نحا الكاسكروت من يدو وشاف فيها مصدوم اللقمة حبستلو في قرجومتو...
"... ههه بركا ما تكذب نعرفك غير تع تمسخير..."
".. والله ما راني نكذب... دبرت عشر ملاين لي ناقصتنا... عندي بزاف وانا نخمم نديرهالك مفاجأة ليك ولأنيس.... "
شاف معاه يتأكد من كلامو... لقاه يهدر فالحقيقة.. تلاح ليه حضنو شعرة وطيحو.. ولخر ميت بالضحك...
"... ايا بعد عليا ههههه يزيدو يتوسوسونا خلاص... ونتا زعزعتلي المشاعر الخامدة... "
"... عمري ننسا خيرك تميم... نتا خويا واعز عليا من العايلة... "
".. متقولش هكد مبيناتناش... شفت المهرج لي ضل تضحك عليه هاو دبرلك الدراهم... روح احكي مع خوك وقولو ازرب...."
"... هههه يا تميم الجايح نحبك... "
عطالو الكاسكروت وخلاه يضحك وكريم راح يجري للدار يبشر خوه... عض من الكاسكروت تاعو
"... اه يا الدنيا... زعما لوكان يعرف رح يسامحني... رح تكون ردة فعله هكد ولا رح تتبدل.... رح يبقى يقولي خويا وعشيري... "
غدوة صباح... لبس وعدل روحو وخرج مزروب بش يتلاقلها... حسها غايب... واصلا والف بخرجاتها الغريبة والمجنونة...حياتو مش مثيرة بزاف... أما هي بفكرتها ولعبتها خلاتو يتحمس لواش مخبية.... زينب بير غامق... وكل ما يهبط فيه الحالة تضلام... و أسرارها بزاف... هو الحياة عندو لعية وزينب افضل لعبة تلاقاها في حياتو...
"... اه تميم اصبر... طيش معاك لابوبال هادي.."
"...تسما كي لبست وعدلت وزيد سروال بيض ندي الزبل...."
"... هات برك الحطة هادي متخربهاش كي تجي... من الخرجات تاعك لي كترو وليت حاسة كاش نهار تجي و َسروالك نسيتو عند كاش دار...."
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)