#smile
تبسم وراح لبيتو... دار دوش وصلى وتكا يخمم في المشكلة هادي.... مش عارف وش يدير... لانو قاعد في حيرة كبيرة...
عند كريم لي راقد فالصالون... هو وخوه... سمع صوت باباه ومرت باباه جاو..... شاف مع الساعة لقاها العشرة تع الليل... وصوت الضحك واصل لبرا..
تولهت ليه سمية مرت باباه راقد... مشافش جيهتها خلاص.. تبسمت و شعلت الضو..
"....واش كريم وليت متبانش في الدار.. حاستك قاعد تهرب مني انا.... ؟ هههه وليت تخاف من ختك...."
ضحك عليها
"... منيتك جداتي.. راكي ربعين سنة يا لحبيبة.... راكي في مقام جداتي.. ههههه"
كرزت على سنيها وخلاتو و تبعت راجلها للبيت
... تنهد وغمض عينيه... توحش يماه... توحش لمتهم... توحش باباه كي كان باباه... العايلة تفكت.. خوه قاعد فالكرسي... هو هامل خدمة معدولة معندوش... مرت باباه لي يصيب ميتلاقاهش.... يكرها كره أعمى... سحارة وخرابة ديار... وحنان لي توحشها وتوحش ريحة الياسمين.... مشاكل بزاف تلمو على راسو
مش مخليينو هاني في راسو....
ناض الصباح... لبس خوه وعاونو... وراح يفطرو... كلا بزربة وخرج مش حاب يصبح عليها...
وصاه باباه يقضي راح للحانوت... سلم عليهم ودا.. لقاها داخلة هي ومها للحانوت.... حاجة ما تبان منها غير عينيها... وهو مسكين باقي حال فمو وتايه فالجمال الخلاب...سلم على خالتو لي تلهات مع القضبان وهو وقف جنبها وهي مهبطة راسها حشمانة منو...
دزها بيدو و يحرك
"... بسسس بسس احنان... حنان.."
"... اااا وي كريم..."
"... اخرجي برا نحكي معاك شوية.."
"... منقدرش ماما تشوفني وزيد ولاد الحومة يوصلوها لابي..."
"... واحد ما يفيق... قولي لمك اني مروحة للدار..."
"... يما... يما.."
"... وي وشبيكي..."
"... حابة نروح للدار حاسة بالدوخة.... "
شافت معاها بشك.. وشافت مع كريم لي برا كأنو فهمتو البلان شوية تبسمت معاها وهزتلها براسها...
خرجت موراه هازة جلبابها وهو يمشي قلبها.. حتى وصلو لبلاصة شوية خالية... جبدها من يدها وحصرها مع الحيط ويعس اذا كش واحد يعدي...
"... بسيف ا بن عمي بش حكمتك... وشبيك ما تحكي معايا في تليفون يماك... اه متوحشتنيش... ؟؟؟"
وجها حمار وحاسة روحها سخنت وقلبها يخبط فالألف... حب حياتها قدامها... وقاعد يشرحلها في مشاعرو...
"...وشبيكي سكتي؟؟؟ نسنى بالدقيقة والدرج كتاه يقبل باباك ويزوجك ليا... رايح نفرش الحومة هادي ورد ياسمين كيما ريحتك... "
"... هزي الواحد نشوف وجهك... ازربي ولا تقعدي هنايا... مانيش ساخي بيك.."
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)