#smile
🎪🤹♂️الحلقة 50🤹♂️🎪
خرجت من لتما ومخها ياكل فيها.. شكون هادا وهادي.... شكون لي رح يخربو مخططاتها... مشات فالطريق هادي تقول عام ولا عامين... يعني رح تصرا هدرتها رح يتحقق وش قالت دليلة ولا.... ماعندي الا نقول انو ربي هو المقدر...... كذب المنجمين ولو صدقو... يعني كلام دليلة مش رح نعتبروه فلاش للمستقبل... لانو مناش متيقنين وش قالت... فمصادرها تعتبر من مصادر غيبية مش لازم نغوصو في عالمها كتر....
أيام تعدي وتجي.. ناس تتبدل وناس تتزوج وناس تتطلق... حال الدنيا الدوارة.... عدا شهر من آخر نقطة... ليوم عملية أنيس... اليوم كاين احتمالية 90 بالمية انو يرجع يوقف على رجليه ويرجع كيما الناس الطبيعين... رح يعلون خوه... رح يقدر يخدم ويكون سند لكريم كيما كان سند ليه طول عمره... بالرغم انو باباه تخلى عليه ومكانش مهتم بعجزو الا انو كريم كان الاب قبل ما يكون الأخ...
كان راقد في السبيطار يسجيو فيه للعملية حاسس بشوية توتر ويديه عرقو... دخل تميم والنبايل في يديه وابتسامتو المجنونة كي العادة لابس لبسة المهرج ووجهو مصبوغ بالأحمر.... وجهو يضحك صح
"... اهلا موسيو أنيس... وش راك راك ساجي للعملية..."
"... ههههه وش مداير في روحك؟؟ والله ما عرفتك... والله حمدلله"
قرب ليه حط النبايل قدامو ونوار حمر.. ضحك وشاف معاه
"... خوك دارتلو لدياري... ولا كي المرة لي تتوحم هههههههه خايف اكتر منك أو حاصل فالتولات.. "
... انيس تفرشخ بالضحك عليه..
"... ههههه مسكين راهو يتقيا... دايما هكدا كي تحكمو الخلعة يولي كي المتوحمة... "
.... تبسم وراح طل من الطاقة... شاف أنيس معاه وتبسم... تميم كيما خوه... عاونو بزاف.. وجامي يقدر يرجعلو خيرو...
".... تميم.. "
... دور وهزلو براسو....
".... وشبيك متقولش انت تاني جاتك لادياري ههههههه؟؟ "
".. مرسي بزاف تميم... لوكان مش انت جامي يولي عندي امل انو نرجع نمشي من جديد.. أنت ملاك تميم خيرك جامي ننساه...."
"... متقولش هكدا... كي منعاونش خاوتي شكون نعاون.... رح نكون كيما كريم ورح نقعد سند ليك... فرحنا فالباك وجيبو وكون قد مسؤولية خوك... هو اجل زواجو.. وخطبتو على جالك... حاول تردلو معروفو.... "
".. متخافش رح نعاونو ورح نجيب الباك نشاله ونفرحو.. ونزوجوكم انت وياه ههه جابلي ربي رح تبورلنا هنايا... "
بلع غصتو وتبسم تبسيمة. صفراء...
"... يا خويا انا خاطيني الزواج حاب نعيش حر.... ههههه مالقيتش لي تناسبني الله غالب.."
"...هههه اكذب اكذب... باين من وجهك طايح لشوشتك.... "
"... او كيفاه اسيدي ههههه لمهم ربي معاك ومتخافش ونشاله رح تخرج ورجليك مرتاحين..."
خرج وخلاه يرتاح... حط يدو على قلبو وغمض عينيه... كي قالو كريم انو قرر يخطب حنان... حس بغصة... كي شغل وجع زاد عليه.. أما درك حاسس بالفرحة ليه لانو يستاهل...حنان كانت مجرد إعجاب عابر... طول جا لبالو الشهر هدا وكيفاه عدى... ولا يتلاقا بزاف مع زينب... راحو لبلايص بزاف.. يتناقشو في مواضيع بزاف... لاحظ انو هي شخصية سلبية بزاف... أما جذابة في نفس الوقت... تفكر لون الأحمر لي دارتو في شواربها ول لبارح... جاتو افكار أعوذ بالله... حس بحاجة تحرق... جات باللون هداك فتنة مكانش كيفها...
.. تبسم وحمار وجهو بحشمة شوية...قاعد يبعد فالأفكار هادي اما سرعان ما تجيه... سيرتو فليل... افكار غريبة... معرفش يفسر وش صرالو... وكل مرة يلوم روحو...
وهل تظن بأن صاحبة أجمل ابتسامة في العالم لن توقعك..... ؟؟؟...ستجعلك كالمتعبد في ثناياها.... وستجرك للخطيئة... وستكون أجمل ذنب ستقترفه.... ❤️
أنت تقرأ
smile [مكتملة]
Humor#smile ثاني قصة ليا تكتبت بعد سواد قصة "كتمان"...ماهيش كوميدية كيما توحي البداية لكن تقدرو تعتبروها جرعة سعادة ....هي بسيطة لكنها بروح ملونة كصاحب القصة ......بقلمي أسيل الإنسان مميز في تعبيره.... يمكنه ان يعبر عن أقصى مشاعره بابتسامة .... ويدفن ج...
![smile [مكتملة]](https://img.wattpad.com/cover/354605074-64-k865804.jpg)