"Ah ito Judge, sandali..." Kinuha ang folders ni Rico, naroon ang fake na birth certificate niya at ang original birth certificate ni Janette.
May mga resibo na rin doon, kalakip ito -- tanda na nag bayad sila para sa registration sa civil registrar.
Si Janette, hindi nagsasalita, halatang kinakabahan.
Pumasok ang grupo sa opisina ng huwes... ipinasa ang folder sa clerk of court.
"O pagawan mo na ito ng contract... bilisan mo, para matapos na tayo.."
Nasa sofa ang lahat, habang kausap ni Judge ang tatay ni Jeff ng biglang pumasok ang clerk.
"Eh, Judge... kasi ano po... eh..."
"Ano..!" Tanong ni Judge sa clerk.
"Eh, yung pangalan po nila, apelyido, mag pakapareho po eh.."
"Ganun ba..?"
"O, Rico, mag kamag-anak mo ba itong si Janette?"
"Hindi po.." mabilis ang sagot ng binata.
"O hindi daw eh, gawin mo na, kaw naman - - arte naman nito, sino ba namang gago papakasal sa kamag anak.."
Sinundan ng halakhak, na sinabayan din ng iba pang tao sa opisina ni Judge.
"Huwag kayong mag alala, makakasal kayo ngayon..." sabi ni Judge,
"Alam niyo malakas itong si Mike sa akin eh... mag kaklase kami nito.."
"Sa law school po.." tanong ni Rico
"Ha. Ah, hindi.. magkaklase kami sa sabongan...."
Tawanan uli.
Nang matapos ang marriage contract, isinunod ang seremonya ng kasal, nagni-ningning ang mata ni Janette, halos naluluha - - ganun din si Rico.
Lalo na ng ipasuot sa dalawa ang wedding ring na nabili lang sa SM Manila.
Sagrado ang bawat tagpo at sandali - - pakiwari ng dalawa, sila lamang at ang huwes ang mag kakasama, sa isang simpleng kasal sa sibil na ito - -walang kamalay malay ang lahat na ang pinagsusugpong ng isang legal na sacramento -- ay mag-ina.
Patuloy ito hanggan..
"By the virtue and powers vested in me, I now pronouce you husband and wife .... congratulations..!" huling kataga ni Judge.
Pagkatapos, ay nagpirmahan sila. Si Rico at si Janette, si Atty. De Vera, tatay ni Jeff bilang testigo.
Nagkamayan, nag-yakapan.
Paglabas nila sa Opisina, nag tanong ang tatay ni Jeff.
"Rico, hindi mo man lang kinumbida ang mother mo.."
Natigilan si Janette, nakayakap ito sa baywang ni Rico.
