الطاووس الوقح (صرخات انثى)

توضيح

صباح الخير، بعد فصل امبارح شوفت أكتر من تعليق ضد سيف ومصطفى، فحبيت أطلع وأرد على الكلام الموجه ليهم.

هبدأ كلامي عن سيف
سيف من كتر تعلقه وحبه لايوب، خايف يخسره، سيف بالرغم من انه حوليه اكتر من شخص الا إنه عمره ما ضرب صحوبية مع حد، مع أنه بيشتغل مع علي الغرباوي وبينهم نسب ومع ذلك مبيعرفش يصاحب، عكس ايوب اندمج مع عمران بسرعه ومع ادهم وباقي الشباب كلهم، حتى ايثان اندمج معاه، سيف مكتفي بآيوب عن الكل وعارف ان ايوب مش هيقدر يكتفي بيه، وطريقته معاه ما هي الا عتاب غشيم بين اي اصدقاء وبالاخص لو رجاله.

كلنا شخصياتنا مختلفة وغريبة عن بعض، موجود آيوب وموجود عمران وموجود بردو نموذج سيف، ولو ده هيقلل من رجولته بالتعامل فاعتقد مشهده مع يمان ورجالته أكبر رد على شخصيته، سيف بيتعامل من نبع شخصيته شايف ايوب هو مجمل الحياة عنده، والغرض الاساسي من مشاهدهم هو للتهوين عن القراء صعوبة الفصل،يعني بغرض الهزار والضحك،ولو سألتكم حالا هل موردش عليهم صداقة أو علاقة شبيهة من علاقة سيف وآيوب اعتقد هيكون ورد على البعض نماذج مشابهة، أنا نفسي ورد عليا النموذج ده،ومحدش يقولي في فرق بين البنت والراجل، الفروق ممكن تكون بحرية خروجهم من البيت باي توقيت لكن مقدار الحب واحد.

بالنسبة لمصطفى ممكن يكون اخطئ في كلامه بس هو مش وحش اوي كده، ده شخص محتاج مساعده ، قاعد بين اربع حيطان، خايف ابنه يسيبه لوحده ويرضي مراته، لانه عارف وفاهم ان بنات الطبقة الأرستقراطية بيحبوا يعيشوا مع عيلتهم وده السائد هناك فعلا، اتعود يكون ادهم سنده ودعمه، مصطفى مبيقدرش يمارس حياته بشكل طبيعي يا قلبي لانه عاااااجز! هو صحيح عبر عن مشاعره بشكل غلط، بس ده غصب عني ده الانسان العاقل لما بيته بيفضى عليه بيبقى هيتجنن، ما بالك بشخص مش قادر يعمل لنفسه حاجة، ممكن يكون عنده خدم بس اتعود ان ابنه يهتم بيه وبنضافته الشخصية فياريت نقدر النقطة دي، لكن لو على غلطته مع ايوب من البداية فانا مكنتش معاه وشايفاه غلط غلط كبير لما اتنازل عن ابنه، لكن لو بصينا بمنطق العقل فهو لوحده من وقت ما اتصاب آدهم لحد ما بعد ما استرد عافيته.

نقطة تانية ومهمة أيه حملة الهجوم على آدهم دي، هو قال أيه ولا عمل أيه؟؟؟ لو دققنا في كلامه هنلاقيه موزون ويثبت بلد بحالها.
الكل نازل فيه احنا مش حابين انه سهل يتنازل عن شمس وبيقول لابوه هطلقها! طيب نركز في الكلام كده يا جماعه.

ادهم ذكي وعارف منبط الكلام كويس،لما باباه وجه ليه رسالة مبطنه انه يروح لشمس ويعيش معاها زي مهي حابه كان كلام مبطن انه يمشي ورا وراته بالبلدي كده، رد ادهم كان في متتهى الذكاء لما رد وقاله مراتي بتحبني ومتعلقة بيا ومش عايزة تبعد عني، وكمل وقاله لو عملت كده انا هقولها كل شيء قسمة ونصيب!!
يعني بينفي كلامه وبيقوله بوضوح ان مراته بتحبه وطوع أمره، مهما كان الراجل بيحب الست مش هيقبل على نفسه انها تمشي كلامها عليه وده اللي ادهم اثبته في كلامه لابوه، وقبل ما ينهي كلامه سبق بانها بتحبه وعايزة تكون معاه فين الاستغناء بقى؟!؟!!

بلاش نجمع الموقف اللي مر بيه آدهم، لانه مكنش شخص طبيعي، بدليل انه مكابرش واخد فترة عما يفوق، ده اعتذر وصلح غلطه في نفس اليوم وتاني يوم صلح غلطه مع عمران نفسه!

بتمنى أكون قدرت أرد على اسئلتكم، يسعد صباحكم بخير الدنيا وما فيها، بحبكم في الله ♥ ❤